Watch: పోలీస్‌ చెంపపై కొట్టిన మహిళ.. తర్వాత ఏం జరిగిదంటే?

Woman Slaps On Duty Cop | డ్యూటీలో ఉన్న పోలీస్‌ చెంపపై ఒక మహిళ కొట్టింది (Woman Slaps On Duty Cop) . ఆ పోలీస్‌తో వాగ్వాదానికి దిగింది. అనంతరం కారులో అక్కడి నుంచి వెళ్లిపోయింది. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

న్యూఢిల్లీ: డ్యూటీలో ఉన్న పోలీస్‌ చెంపపై ఒక మహిళ కొట్టింది (Woman Slaps On Duty Cop) . ఆ పోలీస్‌తో వాగ్వాదానికి దిగింది. అనంతరం కారులో అక్కడి నుంచి వెళ్లిపోయింది. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దేశ రాజధాని ఢిల్లీలో ఈ సంఘటన జరిగింది. కారులో వచ్చిన ఒక మహిళ విధుల్లో ఉన్న పోలీస్‌తో వాదనకు దిగింది. అంతేగాక అతడి చెంప చెళ్లుమనిపించింది. డ్రెస్‌ కాలర్‌ పట్టుకుని మరోసారి చెంపపై కొట్టింది. ఇంతలో అక్కడున్న వారు జోక్యం చేసుకున్నారు. దీంతో ఆ మహిళ తన కారులో అక్కడి నుంచి వెళ్లిపోయింది. అయితే మహిళ ఆ పోలీస్‌ చెంపపై ఎందుకు కొట్టింది అన్నది తెలియలేదు.

కాగా, ఆ సమయంలో అక్కడున్న కొందరు తమ మొబైల్‌ ఫోన్లలో దీనిని రికార్డ్‌ చేశారు. ఈ నేపథ్యంలో ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో నెటిజన్లు దీనిపై సీరియస్‌గా స్పందించారు. డ్యూటీలో ఉన్న పోలీస్‌పై ఆ మహిళ చేయి చేసుకోవడాన్ని చాలా మంది తప్పుపట్టారు. పోలీస్‌ చెంపపై కొట్టిన ఆ మహిళపై కేసు నమోదు చేసి చట్టపరంగా చర్యలు తీసుకోవాలని పలువురు డిమాండ్‌ చేశారు. మహిళ కాబట్టే ఆమెను వదిలేశారా? ఇదే పని పురుషుడు చేసి ఉంటే పోలీసులు ఊరుకునేవారా? అని కొందరు ప్రశ్నించారు.

Kalesh b/w A Woman and on-Duty Police officer on Roadhttps://t.co/lMIaX3eSk6

— Ghar Ke Kalesh (@gharkekalesh) August 8, 2023