Watch: బస్తాలు జారి మీద పడటంతో చిక్కుకున్న మహిళ.. తర్వాత ఏం జరిగిందంటే?

Woman Gets Trapped in Grain Sacks | ఆహార ఉత్పత్తుల బస్తాలు జారి ఒక మహిళపై పడ్డాయి. ఆ బస్తాల మధ్య చిక్కుకున్న ఆమె సహాయం కోసం కేకలు వేసింది. అక్కడే ఉన్న కూలీలు వెంటనే స్పందించారు. క్షణాల్లో బస్తాలను తొలగించారు. వాటి కింద చిక్కుకున్న ఆ మహిళను కాపాడారు.

ముంబై: ఆహార ఉత్పత్తుల బస్తాలు జారి ఒక మహిళపై పడ్డాయి. ఆ బస్తాల మధ్య చిక్కుకున్న ఆమె సహాయం కోసం కేకలు వేసింది. (Woman Gets Trapped in Grain Sacks ) అక్కడే ఉన్న కూలీలు వెంటనే స్పందించారు. క్షణాల్లో బస్తాలను తొలగించారు. వాటి కింద చిక్కుకున్న ఆ మహిళను కాపాడారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. మహారాష్ట్ర రాజధాని ముంబైలో ఈ సంఘటన జరిగింది. వాషి ప్రాంతంలోని వ్యవసాయ ఉత్పత్తుల మార్కెట్ కమిటీ (ఏపీఎంసీ) గోడౌన్‌లో ఒక మహిళ చీపురుతో ఊడ్చసాగింది.

కాగా, అక్కడ వరుసగా పేర్చిన సుమారు 50 బస్తాలు జారీ ఆ మహిళపై పడ్డాయి. దీంతో ఆమె ఆ బస్తాల మధ్య చిక్కుకున్నది. కాపాడాలంటూ కేకలు వేసింది. ఆ సమయంలో అక్కడున్న కూలీలు వెంటనే స్పందించారు. నిమిషాల వ్యవధిలో ఆ బస్తాలను తొలగించారు. వాటి కింద చిక్కుకున్న ఆ మహిళను కాపాడారు. గాయపడిన ఆమెను ఆసుపత్రికి తరలించి అడ్మిట్‌ చేశారు. మరోవైపు అక్కడ ఉన్న సీసీటీవీలో రికార్డైన ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

https://twitter.com/AHudawi13732/status/1769282430395900240?ref_src=twsrc%5Etfw%7Ctwcamp%5Etweetembed%7Ctwterm%5E1769282430395900240%7Ctwgr%5E77e531748bf08d2cb78503c218d22aa95167e1f1%7Ctwcon%5Es1_c10&ref_url=https%3A%2F%2Fpublish.twitter.com%2F%3Furl%3Dhttps%3A%2F%2Ftwitter.com%2FAHudawi13732%2Fstatus%2F1769282430395900240