ముఖ్య‌మంత్రి చూస్తుండ‌గా వేదిక‌పై రాష్ట్రమంత్రి, కాంగ్రెస్ ఎంపీ వాగ్యుద్ధం.. వీడియో
Altercation on stage: క‌ర్ణాట‌క‌లో అధికార బీజేపీ, ప్ర‌తిపక్ష కాంగ్రెస్ పార్టీ నేత‌ల మ‌ధ్య ర‌భ‌స చోటుచేసుకుంది. ఇవాళ రామ‌న‌గ‌ర ప‌ట్ట‌ణంలో జ‌రిగిన ఓ కార్య‌క్ర‌మానికి ఆ రాష్ట్ర ముఖ్య‌మంత్రి బ‌స‌వ‌రాజ్ బొమ్మై హాజ‌ర‌య్యారు. రాష్ట్ర మంత్రి డాక్ట‌ర్ సీఎన్ అశ్వ‌త్‌నారాయ‌ణ్‌
బెంగ‌ళూరు: క‌ర్ణాట‌క‌లో అధికార బీజేపీ, ప్ర‌తిపక్ష కాంగ్రెస్ పార్టీ నేత‌ల మ‌ధ్య ర‌భ‌స చోటుచేసుకుంది. ఇవాళ రామ‌న‌గ‌ర ప‌ట్ట‌ణంలో జ‌రిగిన ఓ కార్య‌క్ర‌మానికి ఆ రాష్ట్ర ముఖ్య‌మంత్రి బ‌స‌వ‌రాజ్ బొమ్మై హాజ‌ర‌య్యారు. రాష్ట్ర మంత్రి డాక్ట‌ర్ సీఎన్ అశ్వ‌త్‌నారాయ‌ణ్‌, కాంగ్రెస్, జేడీఎస్‌తోపాటు ఇత‌ర పార్టీల‌కు చెందిన స్థానిక నాయ‌కులు కూడా ఈ కార్య‌క్ర‌మంలో పాల్గొన్నారు. కార్య‌క్ర‌మంలో మంత్రి అశ్వ‌త్ నారాయ‌ణ్ ప్ర‌సంగిస్తుండ‌గా గొడ‌వ మొద‌లైంది. రాష్ట్రంలో బీజేపీ చేసిన అభివృద్ధి ప‌నుల గురించి మంత్రి ప్ర‌స్తావిస్తుండ‌గా కాంగ్రెస్ నేత‌లు అభ్యంత‌రం చెప్పారు.
మంత్రి అబ‌ద్దాలు చెబుతున్నారంటూ కాంగ్రెస్‌కు చెందిన ఓ నాయ‌కుడు పోడియంవైపు దూసుకెళ్లాడు. ఈ సంద‌ర్భంగా వేదికపైనే ఉన్న కాంగ్రెస్ ఎంపీ డీకే సురేష్ కూడా పోడియం ద‌గ్గ‌రికి వెళ్లాడు. మంత్రితో వాగ్వాదానికి దిగాడు. ఈ సంద‌ర్భంగా తీవ్ర గంద‌ర‌గోళం నెల‌కొన్న‌ది. దాంతో పోలీసులు, నేత‌ల సెక్యూరిటీ సిబ్బంది క‌లుగ‌జేసుకుని గొడ‌వ‌ను స‌ద్దుమ‌ణిచారు. త‌న క‌ళ్ల‌ముందే జ‌రుగుతున్న ఈ త‌తంతాన్ని సీఎం బొమ్మై చూస్తూ ఉండిపోయారు. గొడ‌వ‌కు సంబంధించిన దృశ్యాల‌ను కింది వీడియోలో చూడ‌వ‌చ్చు.
Read Today's Latest National News in Telugu and Telugu News
- Follow Us :
-
