ధోలావీరాలో మోదీ.. పాత ఫోటోలు షేర్ చేసిన ప్ర‌ధాని
ధోలావీరా: ప్ర‌పంచ వార‌స‌త్వ సంప‌ద జాబితాలో గుజ‌రాత్‌లోని ధోల‌వీరా చేరిన విష‌యం తెలిసిందే. తాజాగా యునెస్కో ప్ర‌క‌టించిన జాబితాలో ఆ ప్రాచీన న‌గ‌రాన్ని చేర్చారు. అయితే ప్ర‌ధాని మోదీ గ‌తంలో ఆ ప్రాంతాన్ని విజిట్ చేశారు. ర‌ణ్ ఆఫ్ క‌చ్‌లో ఉన్న ధోలావీరాను ఆయ‌న ప‌రిశీలించారు. ఆ ట్రిప్‌కు సంబంధించిన ఫోటోల‌ను ఇప్పుడు ఆయ‌న త‌న ట్విట్ట‌ర్‌లో పోస్టు చేశారు. విద్యార్థిగా ఉన్న స‌మ‌యంలో మొద‌టిసారి ధోలావీరా విజిట్ చేశాన‌ని, ఆ ప్రాంతాన్ని చూసి ఎంతో త‌న్మ‌య‌త్వానికి లోనైట్లు మోదీ తెలిపారు. ఆ త‌ర్వాత గుజ‌రాత్ సీఎంగా మ‌ళ్లీ ధోలావీరాను విజిట్ చేసిన‌ట్లు మోదీ తెలిపారు. ధోలావీరాలో ఉన్న ప్రాచీన సంప‌ద‌ను సంర‌క్షించే బాధ్య‌త‌ల‌ను గ‌తంలో చేప‌ట్టిన‌ట్లు ఆయ‌న చెప్పారు. టూరిజం ఫ్రెండ్లీ స‌దుపాయాల‌ను క‌ల్పించేందుకు త‌మ బృందం ప‌నిచేసిన‌ట్లు ఆయ‌న వెల్ల‌డించారు.
Read Today's Latest National News in Telugu and Telugu News
- Follow Us :
-
