న్యూఢిల్లీ: రాయల్ ఎన్ఫీల్డ్.. దేశంలో అత్యధికంగా అమ్ముడుపోతున్న బైకుల్లో ఒకటి. జీవితంలో ఒక్కసారైనా నడపాలని అనుకుంటారు కొందరు. దీనిని స్టేటస్గా భావిస్తుంటారు మరికొందరు. బైక్పై వెళ్తూ రాజసాన్ని వలకబోస్తుంటారు మరికొందరు. వీటిలో రాయల్ ఎన్ఫీల్డ్ బుల్లెట్ 350 గురించి ప్రత్యేకంగా చెప్పాల్సిన పనిలేదు. గత కొన్ని దశాబ్దాలుగా భారతీయుల మదిని దోస్తూనే ఉన్నది. ఈ లెజండరీ బైక్కు కొన్ని టెక్నికల్ మార్పులు చేసిన కంపెనీ.. ఎన్ఫీల్డ్ క్లాసిక్ 350 మోడల్ను విక్రయిస్తున్నది. ప్రస్తుతం దీని షోరూం ధర రూ.2 లక్షల 20 వేలు. అయితే 36 ఏండ్ల కింద దీని ధర ఎంతో తెలిస్తే ప్రతిఒక్కరూ షాకవ్వాల్సిందే.. అక్షరాల రూ.18,700. అవును ఇది నిజమేనండి బాబు.
జార్ఖండ్లోని బొకారోలో సందీప్ ఆటో కంపెనీ అనే డీలర్ ఈ బైక్ను రూ.18,700కు విక్రయించింది. ప్రస్తుతం దీనికి సంబంధించిన బిల్లు సోషల్ మీడియాలో చక్కర్లు కొడుతున్నది. 1986, జనవరి 23న రాసిన ఆ బిల్లును బీయింగ్ రాయల్ అనే పేరుతో అకౌంట్ కలిగిన ఓ వింటేజ్ బైక్ ఔత్సాహికుడు ఇన్స్టాగ్రామ్లో పోస్టు చేశాడు. దీంతో ఇది తెగ షేర్ అవుతున్నది.