Viral Video | పిల్లిని కాపాడిన కుందేలు..ఏం చేసిందంటే..!

షెడ్‌లో కూరుకుపోయిన పిల్లిని కాపాడిన కుందేలు వీడియో  (Viral Video) ప్ర‌స్తుతం నెట్టింట తెగ వైర‌ల‌వుతోంది. బీఅండ్ఎస్ అనే పేజ్ ఈ వైర‌ల్ క్లిప్‌ను ట్విట్ట‌ర్‌లో షేర్ చేయ‌గా ఇప్ప‌టివ‌ర‌కూ ఏకంగా 30 ల‌క్ష‌ల‌కు పైగా వ్యూస్ ల‌భించాయి.

న్యూఢిల్లీ : షెడ్‌లో కూరుకుపోయిన పిల్లిని కాపాడిన కుందేలు వీడియో  (Viral Video) ప్ర‌స్తుతం నెట్టింట తెగ వైర‌ల‌వుతోంది. బీఅండ్ఎస్ అనే పేజ్ ఈ వైర‌ల్ క్లిప్‌ను ట్విట్ట‌ర్‌లో షేర్ చేయ‌గా ఇప్ప‌టివ‌ర‌కూ ఏకంగా 30 ల‌క్ష‌ల‌కు పైగా వ్యూస్ ల‌భించాయి. ఈ వీడియోలో ఓ షెడ్ కింద చిక్కుకున్న పిల్లిని బ‌య‌ట‌కు వ‌చ్చేలా కుందేలు త‌న కాలితో మ‌ట్టిని త‌వ్వుతుండ‌టం క‌నిపిస్తుంది.

https://twitter.com/_B___S/status/1657180854756450309?s=20

మట్టిని తొల‌గించి గుంట చేయ‌డంతో దాన్నుంచి పిల్లి బ‌య‌ట‌ప‌డ‌టం క‌నిపిస్తుంది. బ‌య‌టికివ‌చ్చే దారిలేక బిక్కుబిక్కుమంటున్న పిల్లిని ఈ కుందేలు కాపాడిందని పోస్ట్‌కు క్యాప్ష‌న్ ఇచ్చారు. ఈ క్లిప్‌ను చూసిన సోష‌ల్ మీడియా యూజ‌ర్లు కుందేలు ఔదార్యంపై ప్ర‌శంస‌లు గుప్పించారు. కుందేలును లిటిల్ జెంటిల్‌మ‌న్ అంటూ పొగ‌డ్త‌ల‌తో కామెంట్స్ సెక్ష‌న్‌ను ముంచెత్తారు.