రీల్స్‌ కోసం వాటర్‌ ట్యాంక్‌ పైకి ఎక్కి!

రీల్స్‌తో పాపులర్‌ కావాలన్న పిచ్చితో కొందరు పిల్లలు చేసిన ప్రయత్నం ప్రాణాంతకంగా మారింది. ఉత్తరప్రదేశ్‌ సిద్ధార్థ్‌నగర్‌లో శనివారం ఐదుగురు పిల్లలు 60 అడుగుల ఎత్తులో ఉన్న వాటర్‌ట్యాంక్‌ ఎక్కి.. ఊహించని ప్రమాదంలో చిక్కుకున్నారు. సరైన అవగాహన లేకుండా వీరు చేసిన ఈ సోషల్‌మీడియా స్టంట్‌ భయానకంగా మారింది.

• పై నుంచి దిగుతూ పడిపోయిన ముగ్గురు పిల్లలు.. ఒకరు మృతి
• ట్యాంక్‌ పైనే మరో ఇద్దరు..హెలికాప్ట్టర్‌తో రక్షించిన ఎయిర్‌ఫోర్స్‌

లక్నో: రీల్స్‌తో పాపులర్‌ కావాలన్న పిచ్చితో కొందరు పిల్లలు చేసిన ప్రయత్నం ప్రాణాంతకంగా మారింది. ఉత్తరప్రదేశ్‌ సిద్ధార్థ్‌నగర్‌లో శనివారం ఐదుగురు పిల్లలు 60 అడుగుల ఎత్తులో ఉన్న వాటర్‌ట్యాంక్‌ ఎక్కి.. ఊహించని ప్రమాదంలో చిక్కుకున్నారు. సరైన అవగాహన లేకుండా వీరు చేసిన ఈ సోషల్‌మీడియా స్టంట్‌ భయానకంగా మారింది.

ముగ్గురు పిల్లలు వాటర్‌ట్యాంక్‌ పై నుంచి కిందికి దిగుతుండగా, వారి బరువుకు అక్కడి నిచ్చెన విరిగిపోయింది. దీంతో ఆ ముగ్గురు పిల్లలు 50 అడుగుల ఎత్తు నుంచి కిందికి పడిపోయారు. ఈ ఘటనలో 13 ఏండ్ల బాలుడు ప్రాణాలు కోల్పోయాడు. మరో ఇద్దరు తీవ్రంగా గాయపడ్డారు. మరో ఇద్దరు పిల్లలు వాటర్‌ట్యాంక్‌పైన్నే చిక్కుకోగా, ఎయిర్‌ఫోర్స్‌ హెలికాప్టర్‌తో వారిని సురక్షితంగా కిందికి చేర్చారు.