స్పాన్సర్ లేకుండానే యూఏఈలో ఉద్యోగం వెతుక్కోవచ్చు
భారతీయులకు యునైటెడ్ అరబ్ ఎమిరేట్స్(యూఏఈ) బంపర్ ఆఫర్ ప్రకటించింది. యూఏఈలో ఉద్యోగం కోసం చూస్తున్న భారతీయులు దేశంలో హోస్ట్ లేదా స్పాన్సర్ అవసరం లేకుండానే విజిట్ వీసాపై దేశంలోకి ప్రవేశించవచ్చని యూఏఈ అధికారిక పోర్టల్ పేర్కొంది. విదేశీయులు ఉద్యో గ అవకాశాలను అన్వేషించడానికి ప్రత్యేకంగా యూఏఈకి వెళ్లేందుకు ఈ వీసా వీలు కల్పిస్తుంది.
- భారతీయులకు ఆ దేశ ప్రభుత్వం బంపరాఫర్
న్యూఢిల్లీ, సెప్టెంబర్ 12: భారతీయులకు యునైటెడ్ అరబ్ ఎమిరేట్స్(యూఏఈ) బంపర్ ఆఫర్ ప్రకటించింది. యూఏఈలో ఉద్యోగం కోసం చూస్తున్న భారతీయులు దేశంలో హోస్ట్ లేదా స్పాన్సర్ అవసరం లేకుండానే విజిట్ వీసాపై దేశంలోకి ప్రవేశించవచ్చని యూఏఈ అధికారిక పోర్టల్ పేర్కొంది. విదేశీయులు ఉద్యో గ అవకాశాలను అన్వేషించడానికి ప్రత్యేకంగా యూఏఈకి వెళ్లేందుకు ఈ వీసా వీలు కల్పిస్తుంది.
దరఖాస్తుదారులు ఒకే ప్రయాణం(సింగిల్ ట్రిప్) కోసం 60, 90 లేదా 120 రోజుల చెల్లుబాటు కాలాన్ని ఎంచుకోవచ్చు. అంటే అర్హులైన భారతీయ ఉద్యోగార్థులు ముందుగా ఉద్యోగ ఆఫర్ను పొందాల్సిన అవసరం లేకుండానే యూఏఈకి వెళ్లి ఉద్యోగాన్ని వెదుక్కోవచ్చు. దరఖాస్తు చేసుకునే ముందు అభ్యర్థులు నిర్దిష్టమైన విద్య, వృత్తిపరమైన స్థాయి, ఆర్థికపరమైన అర్హతలను కలిగి ఉండాలని ప్రభుత్వం పేర్కొంది.
ఎవరు అర్హులు?
ఉద్యోగాన్వేషణ వీసా ప్రతి దరఖాస్తుదారునికి అందుబాటులో ఉండదు. దరఖాస్తుదారుడు రెండు వృత్తిపరమైన విద్యాపరమైన షరతులలో ఒకదానిని తప్పనిసరిగా నెరవేర్చాలని యూఏఈ చెబుతున్నది. మొదటి వర్గం మానవ వనరులు, ఎమిరటైజేషన్ మంత్రిత్వ శాఖ పరిధిలోని వృత్తిపరమైన వర్గీకరణ ప్రకారం మొదటి, రెండవ లేదా మూడవ నైపుణ్య స్థాయిల్లో ఉన్న వ్యక్తులకు చెందినది.
విద్యా మంత్రిత్వ శాఖ ఆమోదించిన వర్గీకరణ ప్రకారం ప్రపంచంలోని టాప్ 500 విశ్వవిద్యాలయాల నుంచి పట్టభద్రులైన వారు, మునుపటి సంవత్సరంలో ఉత్తీర్ణులైనట్లయితే రెండవ వర్గం వారికి వర్తిస్తుంది.అదనంగా దరఖాస్తుదారులు బ్యాచిలర్ డిగ్రీ లేదా దానికి సమానమైన అర్హతను కలిగి ఉండాలి. నిర్దేశించిన ఆర్థిక హామీ నిబంధనను పూర్తి చేయాలి. ఉపాధి అన్వేషణ కోసం ఈ వీసాను ఉపయోగించాలని భావించే భారతీయులు దీనికి యూఏఈ స్సాన్సర్ లేదా ఉద్యోగ ఆఫర్ అవసరం లేనప్పటికీ అర్హతా ప్రమాణాలను పూర్తి చేయడం మాత్రం తప్పనిసరి.
Read Today's Latest National News in Telugu and Telugu News
RELATED ARTICLES
తాజా వార్తలు
KTR | కేంద్ర ప్రభుత్వం సహకారంతో ఏపీ ప్రభుత్వం జలదోపిడీ చేస్తుంది : కేటీఆర్
Suspended | అడ్డగూడూర్ బాలికల గురుకుల స్కూల్ ప్రిన్సిపాల్ ఝాన్సీ రాణి సస్పెండ్
Superstar Rajinikanth | గ్రీస్లో రజనీకాంత్ కుటుంబం సందడి.. మనవళ్లతో కలిసి ఎంజాయ్ చేస్తున్న సూపర్ స్టార్!
KTR | సమైక్య పాలనలో కన్నా రేవంత్ రెడ్డి చేస్తున్న ద్రోహం అతి పెద్దది : కేటీఆర్
Mouni Roy | బ్లాక్ డ్రెస్లో మౌనీ రాయ్ గ్లామర్ షో.. చూపు తిప్పుకోలేరు!
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

