F-35 Fighter Jets: ఏరో ఇండియా షోలో.. ఎఫ్‌-35 యుద్ధ విమానాలు

F-35 Fighter Jets:ఏరో ఇండియా షోలో అత్యాధునిక ఎఫ్‌-35 ఫైట‌ర్ జెట్స్ స్పెష‌ల్ అట్రాక్ష‌న్‌గా నిలిచాయి. రెండు ఎఫ్‌-35 యుద్ధ విమానాలు బెంగుళూరు చేరుకున్నాయి. వీటితో పాటు అమెరికాకు చెందిన ఎఫ్‌-16 కూడా షోలో పాల్గొంటున్నాయి.

బెంగుళూరు: ప్ర‌పంచంలోనే అత్యాధునిక ఎఫ్‌-35 యుద్ధ విమానాలు.. బెంగుళూరులో జ‌రుగుతున్న ఏరో ఇండియా షోలో మెరిశాయి. లాక్‌హీడ్ మార్టిన్‌కు చెందిన అడ్వాన్స్‌డ్ ఫైట‌ర్ జెట్ ఇది. ఫిఫ్త్ జ‌న‌రేష‌న్ అమెరికన్ ఎయిర్‌క్రాఫ్ట్‌. ఏరో షోలో ఎఫ్‌-35 లైట‌నింగ్ 2, ఎఫ్‌-35ఏ వేరియంట్లు ద‌ర్శ‌న‌మిచ్చాయి. భార‌తీయ నేల‌ను ఎఫ్‌-35 యుద్ద విమానాలు తాక‌డం ఇదే మొద‌టిసారి.

ఉటాహ్‌, అలస్కా వైమానిక స్థావ‌రాల నుంచి ఆ రెండు జెట్లు య‌ల‌హంక ఎయిర్ ఫోర్స్ స్టేష‌న్ చేరుకున్నాయి. ఈ రెండు విమానాల‌తో పాటు జ‌న‌ర‌ల్ డైన‌మిక్స్‌కు చెందిన ఎఫ్‌-16 ఫైటింగ్ ఫాల్క‌న్‌, బోయింగ్‌కు చెందిన సూప‌ర్ హార్నెట్‌లు కూడా బెంగుళూరు ఏరో షోకు వ‌చ్చాయి.

Two American F-35 fighter aircraft at the #AeroIndia show for the first time. The American contingent also includes the F-16 and F-18 fighter jets which have been offered to Indian armed forces for different requirements. pic.twitter.com/f9caMbvWTn

— ANI (@ANI) February 13, 2023

ఎఫ్‌-35 యుద్ధ విమానాల‌ను మూడు వేరియంట్ల‌లో త‌యారు చేశారు. ఎఫ్‌-35ఏ, ఎఫ్‌-35బీ, ఎఫ్‌-35సీ వేరియంట్లు ఉన్నాయి. ఇవన్నీ సింగిల్ ఇంజిన్ విమానాలు. గ్రౌండ్ టార్గెట్ల‌ను ఇవి వైమానిక దాడితో ఈజీగా చేధించ‌గ‌ల‌వు. ఇటీవ‌ల రిలీజైన టాప్ గ‌న్ మావ‌రిక్ ఫిల్మ్‌లో ఈ జెట్ల‌కు చెందిన సామ‌ర్ధ్యాన్ని ఊహాజ‌నితంగా ప్ర‌ద‌ర్శించిన విషయం తెలిసిందే.

ఈ యుద్ధ విమానాల్లో ప్రాట్ అండ్ విట్నీ ఎఫ్‌135 జెట్ ఇంజిన్ ఇన్‌స్టాల్ చేశారు. మాక్ 1.6 అంటే ధ్వ‌ని వేగం క‌న్నా 1.6 రెట్ల వేగంతో ఈ విమానం ప్ర‌యాణిస్తుంది. త‌న స్టీల్త్ సామ‌ర్థ్యాన్ని కోల్పోకుండానే.. ఈ యుద్ధ విమానం భారీ ఆయుధ పేలోడ్స్‌ను కూడా మోసుకెళ్ల‌గ‌ల‌దు. అమెరికాతో పాటు చైనా, ర‌ష్యా వ‌ద్ద మాత్ర‌మే ఫిఫ్త్ జ‌న‌రేష‌న్ ఫైట‌ర్ జెట్లు ఉన్నాయి. మ‌రో వైపు ఇండియా ఏఎంసీఏ జ‌న‌రేష్ 5 విమానాన్ని డెవ‌ల‌ప్ చేస్తున్న విష‌యం తెలిసిందే.