విజయ్‌ ఎన్నికల అఫిడవిట్‌లో తేడాలు

తమిళ నటుడు, టీవీకే అధ్యక్షుడు విజయ్‌ ఎన్నికలకు ముందే ఒక నియోజకవర్గాన్ని కోల్పోయే ప్రమాదాన్ని ఎదుర్కొంటున్నారు. ఎన్నికల్లో ఆయన పెరంబూర్‌, తిరుచ్చి ఈస్ట్‌లలో పోటీ చేస్తూ నామినేషన్లు వేశారు.

చెన్నై, ఏప్రిల్‌ 3: తమిళ నటుడు, టీవీకే అధ్యక్షుడు విజయ్‌ ఎన్నికలకు ముందే ఒక నియోజకవర్గాన్ని కోల్పోయే ప్రమాదాన్ని ఎదుర్కొంటున్నారు. ఎన్నికల్లో ఆయన పెరంబూర్‌, తిరుచ్చి ఈస్ట్‌లలో పోటీ చేస్తూ నామినేషన్లు వేశారు. అయితే ఎన్నికల అఫిడవిట్‌ల్లో తేడాలు ఉన్నట్టు అధికారులు గుర్తించారు.

పెరంబూర్‌లో సమర్పించిన అఫిడవిట్‌లో తనపై ఎలాంటి క్రిమినల్‌ కేసులు లేవని పేర్కొనగా, తిరుచ్చి అఫిడవిట్‌లో తనపై రెండు ఎఫ్‌ఐఆర్‌లు ఉన్నట్టు పేర్కొన్నారు. అలాగే బ్యాంక్‌ ఖాతాలకు సంబంధించి ఇచ్చిన సమాచారం వేర్వేరుగా ఉన్నాయి. ఇలా ఎన్నికల అఫిడవిట్‌లో తప్పుడు సమాచారాన్ని ఇవ్వడం, వాస్తవాలను దాచిపెట్టడం ప్రజా ప్రాతినిధ్య చట్టం ప్రకారం తీవ్రమైన ఉల్లంఘన కిందకు వస్తుందని, ఈ క్రమంలో ఆయన నామినేషన్‌ను తిరస్కరించే అవకాశం ఉందని న్యాయ నిపుణులు అంటున్నారు.