Actor Vijay | అధికార డీఎంకేది విభజన రాజకీయం : నటుడు విజయ్‌

Actor Vijay | అధికార డీఎంకే (DMK) పార్టీ విభజన రాజకీయాలు చేస్తోందని టీవీకే చీఫ్‌ (TVK chief), నటుడు విజయ్‌ (Actor Vijay) తీవ్ర ఆరోపణలు చేశారు. కరూర్‌ తొక్కిసలాట ఘటనతో ఆగిపోయిన తన ఎన్నికల ప్రచారాన్ని విజయ్‌ ఇవాళ్టి నుంచి పునఃప్రారంభించారు.

Actor Vijay : అధికార డీఎంకే (DMK) పార్టీ విభజన రాజకీయాలు చేస్తోందని టీవీకే చీఫ్‌ (TVK chief), నటుడు విజయ్‌ (Actor Vijay) తీవ్ర ఆరోపణలు చేశారు. కరూర్‌ తొక్కిసలాట ఘటనతో ఆగిపోయిన తన ఎన్నికల ప్రచారాన్ని విజయ్‌ ఇవాళ్టి నుంచి పునఃప్రారంభించారు. ఈ మేరకు కాంచీపురం (Kanchipuram) జిల్లాలోని మూడు తాలూకాల నుంచి ఎంపిక చేసిన శ్రేణులతో క్లోజ్డ్‌ డోర్‌ సమావేశం నిర్వహించారు.

ఈ సందర్భంగా మాట్లాడుతూ.. డీఎంకేపై విమర్శలు గుప్పించారు. డీఎంకేది దోపిడీ భావజాలమని తీవ్ర వ్యాఖ్యలు చేశారు. ఆ పార్టీ వారసత్వ రాజకీయాలకు, ర్యాడికల్స్‌కు నిలయమని విమర్శించారు. సమానత్వం కోసం తన పాలసీలను ఆయన వివరించారు. పేద, పెద్ద అనే తేడా చూపకుండా అందరినీ సమానంగా చూడాలనేదే తన పార్టీ పాలసీ అని చెప్పారు.

కరూర్‌ తొక్కిసలాట అనుభవం నేపథ్యంలో ఈ సమావేశానికి తగిన జాగ్రత్త చర్యలు తీసుకున్నారు. సదస్సు కోసం ఓ ప్రైవేటు కాలేజీ ప్రాంగణాన్ని ఎంచుకొన్నారు. దాదాపు 1500 మందికి క్యూఆర్‌కోడ్‌ పాస్‌లు ఇచ్చి.. వారిని మాత్రమే అనుమతించారు. సభకు వచ్చే వారి కోసం ఆహారం, నీరు, ఇతర ఏర్పాట్లు చేశారు. అనుమతులు లేనివారు రాకుండా ప్రాంగణం చుట్టూ షీట్లు అమర్చారు.