బీజేపీ ఎన్నికల ప్రచారంలో విదేశీయులు.. చర్యలు తీసుకోవాలని టీఎంసీ నేత డిమాండ్‌

బీజేపీ ఎన్నికల ప్రచారంలో కొందరు విదేశీలు పాల్గొన్నారు. ఆ పార్టీ కండువాలు కూడా ధరించారు.

అహ్మదాబాద్‌: గుజరాత్‌ అసెంబ్లీ ఎన్నికలు సమీపిస్తున్నాయి. ఈ నేపథ్యంలో మరోసారి అధికారంలోకి వచ్చేందుకు ఆ రాష్ట్రంలో అధికారంలో ఉన్న బీజేపీ కుటిల ప్రయత్నాలు చేస్తున్నది. బీజేపీ ఎన్నికల ప్రచారంలో కొందరు విదేశీలు పాల్గొన్నారు. ఆ పార్టీ కండువాలు కూడా ధరించారు. ప్రధాని మోదీ నాయకత్వాన్ని వారు ప్రశంసించారు. గుజరాత్‌ బీజేపీ ట్విట్టర్‌లో పోస్ట్‌ చేసిన ఈ వీడియో సోషల్‌ మీడియాలో వైరల్‌ అయ్యింది.

కాగా, సామాజిక కార్యకర్త, తృణమూల్‌ కాంగ్రెస్‌ (టీఎంసీ) జాతీయ అధికార ప్రతినిధి సాకేత్ గోఖలే ఈ వీడియోపై స్పందించారు. దీనిపై తీవ్ర దిగ్భ్రాంతి వ్యక్తం చేశారు. ఎన్నికల ప్రచారం కోసం విదేశీయులను బీజేపీ వినియోగిస్తున్నదని విమర్శించారు. బీజేపీ కండువాలు ధరించి ఆ పార్టీ కోసం ప్రచారం చేస్తున్న విదేశీయులపై తక్షణం చర్యలు తీసుకోవాలని డిమాండ్‌ చేశారు. ఈ మేరకు ఎన్నికల కమిషన్‌కు లేఖ రాశారు. ‘భారతీయ ఎన్నికల్లో విదేశీ జోక్యానికి ఇది సమానం. 1951 ప్రజా ప్రాతినిధ్య చట్టం, భారత్‌ వీసా చట్టాలను పూర్తిగా ఉల్లంఘించడమే’ అని అందులో పేర్కొన్నారు.

https://twitter.com/BJP4Gujarat/status/1595452790385807362?ref_src=twsrc%5Etfw%7Ctwcamp%5Etweetembed%7Ctwterm%5E1595452790385807362%7Ctwgr%5E125a0fed905b1e9420e979eff013083c5115aa66%7Ctwcon%5Es1_c10&ref_url=https%3A%2F%2Fwww.hindustantimes.com%2Findia-news%2Fshocking-tmc-leader-demands-action-against-foreigners-campaigning-for-bjp-101669265067186.html

Shocking:

Foreigners are being used by BJP for campaigning in Gujarat in complete violation of election laws. Also, the foreigners sound Russian raising serious questions of interference in elections.

Have written to ECI demanding URGENT action. @SpokespersonECI @CEOGujarat pic.twitter.com/Kha1YIVPet

— Saket Gokhale (@SaketGokhale) November 24, 2022