విలాసాల.. గంగా విలాస్‌

ప్రపంచంలోనే అతిపెద్ద రివర్‌ క్రూజ్‌ నౌక ‘ఎంవీ గంగా విలాస్‌'ను ప్రధాని నరేంద్రమోదీ శుక్రవారం వర్చువల్‌ మాధ్యమంలో ప్రారంభించారు.

• ప్రపంచంలోనే అతిపెద్ద రివర్‌ క్రూజ్‌నౌకను ప్రారంభించిన ప్రధాని
• టికెట్‌ ధర రూ.55 లక్షలు
• వచ్చే ఏడాది వరకు టికెట్లు బుక్‌

వారణాసి, జనవరి 13: ప్రపంచంలోనే అతిపెద్ద రివర్‌ క్రూజ్‌ నౌక ‘ఎంవీ గంగా విలాస్‌’ను ప్రధాని నరేంద్రమోదీ శుక్రవారం వర్చువల్‌ మాధ్యమంలో ప్రారంభించారు. ఈ నౌక ఉత్తరప్రదేశ్‌లోని వారణాసి నుంచి మొదలై బంగ్లాదేశ్‌ మీదుగా అస్సాంలోని డిబ్రూగఢ్‌కు 51 రోజుల్లో చేరుకుంటుంది. మొత్తం 3,200 కిలోమీటర్లు ప్రయాణిస్తుంది. రెండు దేశాల్లో 27 నదుల గుండా సాగే గంగా విలాస్‌ ప్రయాణ మార్గంలో 50 పర్యాటక క్షేత్రాలను సందర్శించే అవకాశం ఉంటుంది.

ఇతర ప్రత్యేకతలు

• నౌకలో విలాసవంతమైన సదుపాయాలు ఉంటాయి.
• పూర్తిగా శాకాహారాన్నే అందిస్తారు. మద్యం ఉండదు. ఇతర పానీయాలు అందుబాటులో ఉంటాయి.
• అత్యవసర వైద్య సేవలకు డాక్టర్లు అందుబాటులో ఉంటారు.
• మొత్తంగా 51 రోజుల ప్రయాణానికి ఒక్కొక్కరికి రూ.55 లక్షల టికెట్‌ ఉంటుంది. అంటే రోజుకు దాదాపు లక్ష రూపాయలు ఖర్చు చేస్తున్నట్టే.
• ఇప్పటికే వచ్చే ఏడాది మార్చి వరకు టికెట్లు బుక్‌ అయ్యాయి.
• టికెట్లు బుక్‌ చేసుకున్న వారిలో ఎక్కువగా అమెరికా, యూరప్‌కు చెందిన వారే ఉన్నారు.
• మూడు అంతస్తులు ఉండే ఈ నౌకలో 18 సూట్స్‌ ఉంటాయి. 36 మంది ప్రయాణికులకు మాత్రమే ఇందులో చోటు ఉంటుంది. నౌక సిబ్బంది మాత్రం 39 మంది ఉంటారు.