Tesla Layoffs | టెస్లాలో కొన‌సాగుతున్న కొలువుల కోత : ప‌లువురు ఉద్యోగుల‌కు లేఆఫ్ నోటీసులు

Tesla Layoffs : టెస్లాలో లేఆఫ్స్ కొన‌సాగుతున్నాయి. గ‌త వారం కంపెనీలో ఇద్ద‌రు సీనియ‌ర్ ఎగ్జిక్యూటివ్‌ల‌ను టెస్లా చీఫ్ ఎల‌న్ మ‌స్క్ తొల‌గించ‌గా వంద‌లాది ఇత‌ర ఉద్యోగుల‌పై కూడా వేటు ప‌డ‌నుంది.

Tesla Layoffs : టెస్లాలో లేఆఫ్స్ కొన‌సాగుతున్నాయి. గ‌త వారం కంపెనీలో ఇద్ద‌రు సీనియ‌ర్ ఎగ్జిక్యూటివ్‌ల‌ను టెస్లా చీఫ్ ఎల‌న్ మ‌స్క్ తొల‌గించ‌గా వంద‌లాది ఇత‌ర ఉద్యోగుల‌పై కూడా వేటు ప‌డ‌నుంది. ఇక వారాంతంలో ప‌లువురు ఉద్యోగుల‌కు కంపెనీ లేఆఫ్ నోటీసులు పంపింద‌ని ఓ వార్తా సంస్ధ వెల్ల‌డించింది. ప‌లువురు ఉద్యోగులు త‌మ‌కు అందిన ఈమెయిల్ స్క్రీన్‌షాట్‌ను లింక్డిన్‌లో షేర్ చేయ‌డంతో ఈ వివ‌రాలు వెలుగుచూశాయి.

టెస్లా ప‌లువురు ఉద్యోగుల‌ను సాగ‌నంపుతూ లేఆఫ్స్‌ను ముమ్మ‌రం చేయ‌డంతో ఉద్యోగుల్లో ఆందోళ‌న నెల‌కొంది. కంపెనీలో వ‌రుస‌గా నాలుగో వారం కూడా లేఆఫ్స్ కొన‌సాగ‌డంతో ఉద్యోగులు ఎప్పుడేం జ‌రుగుతుందో తెలియ‌ని ప‌రిస్ధితిలో ఉన్నారు. త‌మ టీంను ద‌శ‌ల వారీగా కుదించ‌వ‌చ్చ‌ని ఓ ఉద్యోగి త‌న లేఆఫ్ నోటీస్‌ను లింక్డిన్‌లో షేర్ చేస్తూ ఆందోళ‌న వ్య‌క్తం చేశారు.

ఉద్యోగుల్లో ప‌ది శాతం మందిని విధుల నుంచి తొల‌గిస్తామ‌ని ఏప్రిల్ 14న టెస్లా సీఈవో ఎల‌న్ మ‌స్క్ ప్ర‌క‌టించిన‌ప్ప‌టి నుంచీ లేఆఫ్స్ ప్ర‌క్రియ ఊపందుకుంది. రిక్రూట్‌మెంట్‌, మార్కెటింగ్‌, సూప‌ర్‌చార్జింగ్ టీం స‌హా ప‌లు విభాగాల్లో ఉద్యోగుల‌పై వేటు వేశారు. సూప‌ర్‌చార్జింగ్ టీంలో దాదాపు 500 మందిని తొల‌గించారు.

Read More :

Kieron Pollard: బుమ్రాకు రెస్ట్ ఇచ్చే ఆలోచ‌న లేదు: ముంబై ఇండియ‌న్స్ కోచ్‌