మాజీ సీజేఐ కుమారుల పన్ను మదింపులపై రివ్యూ

సుప్రీంకోర్టు మాజీ ప్రధాన న్యాయమూర్తి వై కే సబర్వాల్‌ కుమారులు చేతన్‌, నితిన్‌ సబర్వాల్‌ల ఆదాయపు పన్ను మదింపుల పునః పరిశీలనకు సుప్రీంకోర్టు మార్గం సుగమం చేసింది.

న్యూఢిల్లీ : సుప్రీంకోర్టు మాజీ ప్రధాన న్యాయమూర్తి వై కే సబర్వాల్‌ కుమారులు చేతన్‌, నితిన్‌ సబర్వాల్‌ల ఆదాయపు పన్ను మదింపుల పునః పరిశీలనకు సుప్రీంకోర్టు మార్గం సుగమం చేసింది. షేర్ల విక్రయం ద్వారా వచ్చిన సొమ్ముతో 2010లో ఢిల్లీలోని సికంద్రా రోడ్డులో విలువైన ఆస్తిని కొనుగోలు చేసిన వ్యవహారంలో ఆదాయపు పన్ను శాఖ జారీ చేసిన పునః మదింపు నోటీసులను అత్యున్నత న్యాయస్థానం సమర్థించింది.

జస్టిస్‌ పార్దివాలా, జస్టిస్‌ కే వినోద్‌ చంద్రన్‌లతో కూడిన ధర్మాసనం చేతన్‌, నితిన్‌ సబర్వాల్‌ దాఖలు చేసిన నాలుగు అప్పీళ్లను కొట్టివేసింది. 2008-09, 2009-10 మదింపు సంవత్సరాలకు సంబంధించిన ఆదాయపు పన్ను శాఖ జారీ చేసిన నోటీసులు చట్టబద్ధమైనవేనని స్పష్టం చేసింది.