కుమార ఇంట్లో చేతులు మారిన ‘స్టింగ్‌ ఆపరేషన్‌’ ఫోన్‌

కర్ణాటక మాజీ ముఖ్యమంత్రి సిద్ధరామయ్యను లక్ష్యంగా చేసుకుని వెలుగులోకి వచ్చినట్లు ఆరోపణలు ఎదుర్కొంటున్న స్టింగ్‌ ఆపరేషన్‌ కేసులో కీలక వివరాలు బయటపడ్డాయి.

బెంగళూరు : కర్ణాటక మాజీ ముఖ్యమంత్రి సిద్ధరామయ్యను లక్ష్యంగా చేసుకుని వెలుగులోకి వచ్చినట్లు ఆరోపణలు ఎదుర్కొంటున్న స్టింగ్‌ ఆపరేషన్‌ కేసులో కీలక వివరాలు బయటపడ్డాయి. ఈ ఆపరేషన్‌కు ఉపయోగించిన మొబైల్‌ ఫోన్‌ ఢిల్లీలో కొనుగోలు చేసి, కేంద్రమంత్రి హెచ్‌ డీ కుమారస్వామి అధికారిక నివాసంలో ప్రజ్వల్‌ ప్రసాద్‌కు అప్పగించినట్లు పోలీసులు వెల్లడించారు.

ఈ విషయాన్ని బెంగళూరు పోలీస్‌ కమిషనర్‌ సీమంత్‌ కుమార్‌ సింగ్‌ ఆదివారం మీడియాకు తెలిపారు. పోలీసుల కథనం ప్రకారం ఢిల్లీలోని కరోల్‌ బాగ్‌ ప్రాంతంలోని ఓ దుకాణంలో రితేష్‌ పాండే, వినోద్‌ శర్మ కలిసి మొబైల్‌ ఫోన్‌ కొనుగోలు చేశారు. ప్రజ్వల్‌ ప్రసాద్‌ సూచనల మేరకు ఆ ఫోన్‌ను కుమారస్వామి నివాసానికి తీసుకెళ్లి అప్పగించినట్లు రితేష్‌ పాండే పోలీసులకు ఇచ్చిన వాంగ్మూలంలో పేర్కొన్నారు.