viral video | నాటు నాటు సాంగ్ : క్రేజీ స్టెప్స్‌తో హోరెత్తించిన కొరియ‌న్ రాయ‌బారి

భార‌త్‌లో ద‌క్షిణ కొరియా రాయ‌బార కార్యాల‌యంలో ప‌నిచేసే సిబ్బంది నాటు నాటు సాంగ్‌కు హుషారైన స్టెప్స్ వేసిన వీడియో (viral video) నెట్టింట వైర‌ల్‌గా మారింది.

న్యూఢిల్లీ : జూనియ‌ర్ ఎన్టీఆర్‌, రామ్‌చ‌ర‌ణ్‌ల‌తో దర్శ‌క ధీరుడు రాజ‌మౌళి తెర‌కెక్కిన ఆర్ఆర్ఆర్ మూవీకి ప్ర‌పంచ‌వ్యాప్తంగా విశేష ఆద‌ర‌ణ ద‌క్కింది. ఈ మూవీలోని నాటు నాటు సాంగ్‌ను రీక్రియేట్ చేస్తూ సోష‌ల్ మీడియాలో వీడియోలు హోరెత్తుతున్నాయి. తాజాగా భార‌త్‌లో ద‌క్షిణ కొరియా రాయ‌బార కార్యాల‌యంలో ప‌నిచేసే సిబ్బంది నాటు నాటు సాంగ్‌కు హుషారైన స్టెప్స్ వేసిన వీడియో (viral video) నెట్టింట వైర‌ల్‌గా మారింది.

𝐍𝐚𝐚𝐭𝐮 𝐍𝐚𝐚𝐭𝐮 𝐑𝐑𝐑 𝐃𝐚𝐧𝐜𝐞 𝐂𝐨𝐯𝐞𝐫 – 𝐊𝐨𝐫𝐞𝐚𝐧 𝐄𝐦𝐛𝐚𝐬𝐬𝐲 𝐢𝐧 𝐈𝐧𝐝𝐢𝐚

Do you know Naatu?

We are happy to share with you the Korean Embassy's Naatu Naatu dance cover. See the Korean Ambassador Chang Jae-bok along with the embassy staff Naatu Naatu!! pic.twitter.com/r2GQgN9fwC

— Korean Embassy India (@RokEmbIndia) February 25, 2023

భార‌త్‌లో కొరియ‌న్ ఎంబ‌సీ అధికారిక ట్విట్ట‌ర్ ఖాతాలో ఈ వీడియోను షేర్ చేయ‌గా ఇప్ప‌టివ‌ర‌కూ 2 ల‌క్ష‌ల మందికి పైగా వీక్షించారు. ఈ క్లిప్ ప్ర‌ధాని న‌రేంద్ర మోదీ దృష్టికి రాగా టీం ఎఫ‌ర్ట్‌పై ఆయ‌న ప్ర‌శంస‌లు కురిపించారు. 53 సెకండ్ల వ్య‌వ‌ధి క‌లిగిన ఈ క్లిప్‌లో ద‌క్షిణ కొరియా రాయ‌బార కార్యాల‌య సిబ్బంది నాటు నాటు సాంగ్‌కు క్రేజీ స్టెప్స్‌తో దుమ్మురేప‌డం నెటిజ‌న్ల‌ను ఆక‌ట్టుకుంటుంది.

డ్యాన్స్ చేస్తున్న సిబ్బందితో రాయ‌బారి చాంగ్ జేబ‌క్ కూడా కాలు క‌దిపారు. టీం సభ్యులంద‌రూ ఈ పాట‌లోని హుక్ స్టెప్‌ను రీక్రియేట్ చేశారు. నాటు నాటు సాంగ్‌కు ఆడిపాడిన కొరియ‌న్ రాయ‌బార కార్యాల‌య సిబ్బంది..ఉద్యోగుల‌తో క‌లిసి రాయ‌బారి చాంగ్ జేబ‌క్ కూడా స్టెప్స్ వేయ‌డం చూడ‌వ‌చ్చ‌ని ఈ పోస్ట్‌కు క్యాప్ష‌న్ ఇచ్చారు.

Read More :

Hackers | మీ డబ్బులు కొట్టేసేందుకు హ్యాకర్లు ట్రై చేస్తున్నారా? ఇలా కనుక్కొని వాళ్లను బురిడీ కొట్టించండి