Hackers | ఎక్కడో ఉంటారు.. ఇక్కడ ఉన్న మన కంప్యూటర్పై కన్నేస్తారు, ఫోన్లో చొరబడతారు. వ్యక్తిగత వివరాలు లూటీ చేస్తారు. ఎల్లలు దాటకుండానే దేశ రక్షణకు సంబంధించిన సమాచారాన్ని సైతం కొల్లగొడతారు. చేతులు మొత్తం కాలాక.. ఇదంతా హ్యాకర్స్ పని అనుకుంటూ గొల్లుమనడం మామూలే! కానీ, కొన్ని జాగ్రత్తలు పాటిస్తే హ్యాకర్లకు ముకుతాడు వేయొచ్చు. మీ సమాచారంపై మరెవరి కన్నూ పడకుండా జాగ్రత్తగా కాపాడుకోవచ్చు.
‘కంప్యూటర్తో చెడుగుడు ఆడుకుంటాం.. మనల్ని ఏ హ్యాకర్ ఏం చేయగలడు?’ అనుకుంటారు కొందరు. కానీ, సైబర్దాడుల్లో, ఆన్లైన్ స్కామ్లలో చిక్కుకుంటున్న వారిలో అధికశాతం సాంకేతిక అంశాలపై అవగాహన కలిగిన వాళే.్ల హైజాకర్లు ఎంత తెలివిమీరారో దీనిబట్టి అర్థం చేసుకోవచ్చు. బాట్నెట్స్, బ్రౌజర్ హైజాక్, డినయల్ ఆఫ్ సర్వీస్ అటాక్, రూట్ కిట్స్, ట్రోజన్స్, వైరస్ ఇలా హ్యాకర్ల అమ్ములపొదిలో రకరకాల అస్ర్తాలు ఉంటాయి. వాళ్లు చేయబోతున్న దాడిని అనుసరించి శస్ర్తాన్ని ఎంచుకుంటారు. రకరకాల రూపాల్లో, పలురకాల ఎత్తుగడలతో హ్యాకర్లు వల విసురుతారు. వీరి ప్రధాన ఆయుధం సాధారణ ప్రజలే. బ్యాంక్ ఖాతాలో లక్షల రూపాయలు జమైనట్టుగా మనకు సందేశం వస్తుంది. పొంగిపోయి లింక్ ఓపెన్ చేశామా.. లిప్తపాటులో అకౌంట్ను హ్యాక్చేసి, మరుక్షణంలో ఖాతా ఖాళీ చేస్తారు. దేశ భద్రత, ఇతర వ్యవహారాలకు సంబంధించిన సమాచారం దొంగిలించడానికి బ్యాక్డోర్ నుంచి సైబర్దాడులకు పాల్పడుతుంటారు. బడాబడా సంస్థల ఆనుపానులు తెలుసుకోవడానికి, పోటీ సంస్థలు కార్పొరేట్ స్పైని పయోగించుకుంటాయి. కొందరు హ్యాకర్లు బృందంగా ఏర్పడి మాల్వేర్స్ రూపొందించడమే పనిగా పెట్టుకుంటారు. గేమింగ్ యాప్స్లో చొరబడేవాళ్లు కొందరు, క్రిప్టో కరెన్సీ ఎర చూపేవారు ఇంకొందరు.. ఇలా సాంకేతికత ముడిపడిన అన్ని రంగాల్లోనూ హ్యాకర్లు పొంచి ఉంటారు. సంక్షిప్త సందేశాలు, లింకులు మెసేజ్ చేసి అవి క్లిక్ చేయగానే మాల్వేర్ గ్యాడ్జెట్లోకి చొరబడేలా చేస్తారు. జీరో క్లిక్ మెసేజ్ ద్వారా ఫోన్ను, కంప్యూటర్ను కబ్జా చేస్తారు. అప్రమత్తంగా ఉండకపోతే మన జీవితాలు రోడ్డున పడేస్తాయి.
☛ బిట్కాయిన్స్ పంపినట్టు సందేశాలు వస్తుంటాయి.
☛ బ్రౌజర్లో అనవసరమైన టూల్బార్లు కనిపిస్తుంటాయి.
☛ ఫోన్ దానంతట అదే స్విచ్చాఫ్, స్విచ్చాన్ అవుతుంది.
☛ మీ ప్రమేయం లేకుండానే ఫోన్లో కొత్త సాఫ్ట్వేర్ ఇన్స్టాల్ అవుతుంది.
☛ సామాజిక మాధ్యమాల్లో పాప్అప్ సందేశాలు వెల్లువెత్తుతాయి. మీ ఖాతా నుంచి అసభ్యకరమైన సందేశాలు ఇతరులకు వెళ్తుంటాయి.
☛ బ్యాంకు ఖాతా నుంచి డబ్బు మాయమవుతుంది.
☛ఇలాంటి సమస్యలు ఎదురైతే.. మీ గ్యాడ్జెట్ గానీ, సోషల్ మీడియా అకౌంట్ గానీ హ్యాకింగ్కు గురైనట్టుగా గుర్తించవచ్చు.
☛ వీపీఎన్ (వర్చువల్ ప్రైవేట్ నెట్వర్క్) ఉపయోగించడం వల్ల మీరు పంపే సందేశాలు, డాటా పదిలంగా ఉంటాయి.
☛ టార్, ఫైర్ఫాక్స్ ఫోకస్, డక్డక్ గో వంటి బ్రౌజర్లను ఉపయోగించడం మంచిది. సాధారణ బ్రౌజర్ వాడినా, ఇన్కాగ్నిటో మోడ్ను ఎంచుకోవాలి.
☛ అధికారిక సోర్సుల ద్వారా యాప్లు డౌన్లోడ్ చేసుకోవాలి.
☛మాల్స్, రైల్వేస్టేషన్, బస్స్టాండ్లలో ఫ్రీ వైఫై అందుబాటులో ఉందికదా! అని ఉపయోగించుకోవద్దు. ఈ ప్రదేశాల్లో డాటా కేబుల్ ద్వారా ఫోన్ చార్జింగ్ పెట్టుకోవద్దు.
☛ ఇంట్లో చిన్నపిల్లలు ఉన్నట్లయితే పేరెంటల్ కంట్రోల్, సేఫ్ సెర్చ్ ఆప్షన్స్ ఎంచుకోండి.
☛ ఫోన్లో గానీ, కంప్యూటర్లో గానీ ఒరిజినల్ యాంటీవైరస్, మాల్వేర్ సాఫ్ట్వేర్లు ఉపయోగించడం మంచిది.
☛ దేనికి ఉద్దేశించినదో కచ్చితంగా తెలియకుండా క్యూఆర్ కోడ్ను స్కాన్ చేయకండి.
హ్యాకింగ్కు గురైందని గుర్తించిన తర్వాత దాని నుంచి బయటపడేందుకు కంట్రోల్ ఆప్షన్స్ అందుబాటులో ఉన్నాయి.
☛ యూట్యూబ్: https://support.google.com/youtube/answer/76187?hl=en
☛ ఫేస్బుక్: https://www.facebook.com/hacked
☛ ఇన్స్టాగ్రామ్: https://help.instagram.com/149494825257596
☛ ట్విటర్: https://help.twitter.com/en/safety-and-security/twitter-account-hacked
☛ లింక్డ్ ఇన్: https://www.linkedin.com/help/linkedin/ answer/ 56363/ reporting-a-compromised-account?lang=en
☛ స్నాప్చాట్: https://support.snapchat.com/en-GB/a/hacked-howto
☛ గూగుల్: https://support.google.com/accounts/answer/6294825?hl=en
☛ ఆపిల్: https://support.apple.com/en-us/HT204145
☛ ఆండ్రాయిడ్: https://www.android.com/intl/en_in/safety/
– అనిల్ రాచమల్ల, వ్యవస్థాపకులు ఎండ్నౌ ఫౌండేషన్
Fishing | అందమైన అమ్మాయిలు క్లోజ్గా మాట్లాడుకుందాం రమ్మని లింకులు పంపిస్తున్నారా?
“Crypto Currency | అమ్మ బాబోయ్.. భారత్లో పన్నులమోత.. క్రిప్టోకు అనుకూలం కాదు..!”
cyber blackmail | అమ్మాయిలూ.. మీ పర్సనల్ వీడియోలు పంపించి బ్లాక్మెయిల్ చేస్తున్నారా?
అమ్మాయిలు ఆన్లైన్లో ఎలా మోసపోతున్నారు? వాటి నుంచి ఎలా బయటపడాలి?