బలవన్మరణ రైతుల అంత్యక్రియలకు వెళ్లకండి

మహారాష్ట్రలో ఆత్మహత్య చేసుకున్న రైతులను ఉద్దేశించి శివసేన ఎమ్మెల్యే సంజయ్‌ గైక్వాడ్‌ వివాదాస్పద వ్యాఖ్యలు చేశారు. బుల్దానాలో మీడియాతో ఆయన మాట్లాడుతూ ఆత్మహత్య చేసుకున్న రైతులు అంత్యక్రియలకు ఎవరూ హాజరు కావద్దని వ్యాఖ్యానించారు.

• శివసేన ఎమ్మెల్యే వ్యాఖ్యలు

ముంబై : మహారాష్ట్రలో ఆత్మహత్య చేసుకున్న రైతులను ఉద్దేశించి శివసేన ఎమ్మెల్యే సంజయ్‌ గైక్వాడ్‌ వివాదాస్పద వ్యాఖ్యలు చేశారు. బుల్దానాలో మీడియాతో ఆయన మాట్లాడుతూ ఆత్మహత్య చేసుకున్న రైతులు అంత్యక్రియలకు ఎవరూ హాజరు కావద్దని వ్యాఖ్యానించారు. వారి మృతదేహాలను జంతువులు తినే పరిస్థితి వస్తే , ఆత్మహత్య చేసుకోవాలనుకునే ఇతరులు దాని పరిణామాలను అర్థం చేసుకుని, అటువంటి నిర్ణయం తీసుకోరని అన్నారు.

రైతులు తమ సమస్యల పరిష్కారం కోసం స్థానిక ఎమ్మెల్యేలు, ఎంపీలు, లేదా ప్రభుత్వాన్ని సంప్రదించాలని, అంతేగానీ ఆత్మహత్యలకు పాల్పడకూడదన్నారు. అయితే రైతుల కష్టాలను పట్టించుకోకుండా గైక్వాడ్‌ ఇలాంటి వ్యాఖ్యలు చేయడంపై తీవ్ర విమర్శలు వ్యక్తమవుతున్నాయి.