నెవిటేర్‌తో విమాన సేవల్లో అంతరాయం.. పలు ఎయిర్‌పోర్టుల్లో భారీగా రద్దీ

నెవిటేర్‌ వ్యవస్థలో తలెత్తిన సాంకేతిక సమస్య వల్ల 45 నిమిషాలపాటు భారత్‌లోని పలు విమానాల సర్వీసులకు అంతరాయం ఏర్పడింది. ఢిల్లీలోని అంతర్జాతీయ విమానాశ్రయంలో గురువారం ఉదయం 6.45 నిమిషాలకు బుకింగ్‌, చెక్‌ఇన్‌ సమయంలో ఈ సమస్యను అధికారులు గుర్తించారు.

న్యూఢిల్లీ: నెవిటేర్‌ వ్యవస్థలో తలెత్తిన సాంకేతిక సమస్య వల్ల 45 నిమిషాలపాటు భారత్‌లోని పలు విమానాల సర్వీసులకు అంతరాయం ఏర్పడింది. ఢిల్లీలోని అంతర్జాతీయ విమానాశ్రయంలో గురువారం ఉదయం 6.45 నిమిషాలకు బుకింగ్‌, చెక్‌ఇన్‌ సమయంలో ఈ సమస్యను అధికారులు గుర్తించారు. అయితే సమస్యను గంటలోపే పరిష్కరించారు.

కాగా, ఈ సమయంలో అధికారులు బుకింగ్‌, చెక్‌ఇన్‌లను మాన్యువల్‌గా నిర్వహించారు. ఈ సమస్య వల్ల పలు విమానాశ్రయాల్లో భారీగా ప్రయాణికుల రద్దీ కనిపించింది. రిజర్వేషన్లు, చెక్‌ఇన్‌, బోర్డింగ్‌ కోసం ఎయిర్‌లైన్‌ టెక్నాలజీని నెవిటేర్‌ అందిస్తున్నది. దీంట్లో సమస్య ఏర్పడితే ప్యాసింజర్‌ వివరాలను ప్రాసెస్‌ చేయడంలో తీవ్ర అంతరాయం కలుగుతుందని ఓ అధికారి తెలిపారు.