Russia – Ukraine War | ఆ వార్తలు అవాస్తవం.. రష్యా ఆర్మీ నుంచి భారతీయులందరినీ విడిపిస్తాం : కేంద్రం

Russia - Ukraine War | రష్యా-ఉక్రెయిన్‌ యుద్ధం (Russia - Ukraine War)లో రష్యా తరఫున పలువురు భారతీయులు (Indians) పోరాడుతున్న విషయం తెలిసిందే. వీరంతా ఇప్పుడు రష్యా నుంచి బయటపడేందుకు సాయం కోరుతున్నారని ప్రచారం జరుగుతోంది. ఈ వార్తలను తాజాగా భారత్‌ తోసిపుచ్చింది.

Russia – Ukraine War | రష్యా-ఉక్రెయిన్‌ యుద్ధం (Russia – Ukraine War)లో రష్యా తరఫున పలువురు భారతీయులు (Indians) పోరాడుతున్న విషయం తెలిసిందే. వారంతా మాస్కో సైన్యానికి సహాయకులుగా పనిచేస్తున్నారు. ఈ విషయాన్ని కేంద్రం కూడా అంగీకరించింది. అయితే, వీరంతా ఇప్పుడు రష్యా నుంచి బయటపడేందుకు సాయం కోరుతున్నారని ప్రచారం జరుగుతోంది. ఈ మేరకు పలు మీడియా ప్లాట్‌ఫామ్స్‌లో వరుస కథనాలు వస్తున్నాయి. ఈ వార్తలను తాజాగా భారత్‌ తోసిపుచ్చింది. ఆ వార్తలు అవాస్తవమని స్పష్టం చేసింది. ఈ మేరకు భారత విదేశాంగ శాఖ (Ministry of External Affairs) సోమవారం ఓ ప్రకటన విడుదల చేసింది.

రష్యా సైన్యం (Russian Army)తో కలిసి పనిచేస్తున్న భారతీయులు అక్కడి నుంచి బయటపడేందుకు సాయం కోరుతున్నారంటూ మీడియాలో వచ్చిన కచ్చితత్వం లేని కథనాలు తమ దృష్టికి వచ్చినట్లు తెలిపింది. మాస్కోలోని భారత ఎంబసీ దృష్టికి వచ్చే ప్రతి కేసు గురించి తాము అధికారులతో చర్చిస్తున్నట్లు పేర్కొంది. విదేశాంగ మంత్రిత్వ శాఖ దృష్టికి వచ్చిన వాటిని కూడా ఢిల్లీలోని రష్యా రాయబార కార్యాలయం దృష్టికి తీసుకెళ్తున్నట్లు తెలిపింది. ఫలితంగా ఇప్పటికే కొంత మంది భారతీయులను అక్కడి సైన్యం నుంచి వెనక్కి తీసుకొచ్చినట్లు వివరించింది. ఈ విషయాన్ని తీవ్రంగా పరిగణిస్తున్నట్లు వెల్లడించింది. రష్యా సైన్యం నుంచి భారతీయులందరినీ వీలైనంత త్వరగా విడుదల చేయించేందుకు కట్టుబడి ఉన్నట్లు ప్రకటనలో స్పష్టం చేసింది.

Also Read..

Drug Racket | అంతర్జాతీయ డ్రగ్స్‌ దందా.. నిర్మాతను పార్టీ నుంచి తొలగించిన డీఎంకే

Mukesh Ambani | జామ్‌నగర్‌లో అనంత్‌-రాధికల ప్రీవెడ్డింగ్‌ వేడుకలు.. అతిథుల కోసం అల్ట్రా లగ్జరీ టెంట్స్‌

Texas | అమెరికాలో భారత సంతతి ఇంజినీర్‌కు టెక్సాస్‌ అత్యున్నత అకడమిక్‌ అవార్డు