First Smartwatch | తొలి స్మార్ట్‌వాచ్ వీడియోను షేర్ చేసిన కేంద్ర మంత్రి

First Smartwatch : కేంద్ర మంత్రి రాజీవ్ చంద్ర‌శేఖ‌ర్ ఆస‌క్తిక‌ర‌మైన ఓ పాత‌ వీడియోను సోష‌ల్ మీడియాలో షేర్ చేశారు.

First Smartwatch : కేంద్ర మంత్రి రాజీవ్ చంద్ర‌శేఖ‌ర్ ఆస‌క్తిక‌ర‌మైన ఓ పాత‌ వీడియోను సోష‌ల్ మీడియాలో షేర్ చేశారు. 1982లో సీకో లాంఛ్ చేసిన తొలి స్మార్ట్‌వాచ్ వీడియోను ఆయ‌న షేర్ చేయ‌గా ఈ పోస్ట్ నెట్టింట హాట్ టాపిక్‌గా మారింది. చేతిలో ఇమిడే స్టోరేజ్ గాడ్జెట్‌గా ప‌నిచేసే సీకో యూసీ-2000 వాచ్‌కు సంబంధించిన ఓ టీవీ షో వీడియోను కేంద్ర మంత్రి షేర్ చేశారు. అవ‌స‌రానికి ఉద్దేశించిన టెక్నాల‌జీ కోసం అన్వేష‌ణ అంటూ ఎక్స్‌లో ఈ వీడియోను పోస్ట్ చేస్తూ చంద్ర‌శేఖ‌ర్ రాసుకొచ్చారు.

1982లో తొలి స్మార్ట్‌వాచ్ నుంచి నేటి టెక్ అద్భుతాల వ‌ర‌కూ సాంకేతిక విప్ల‌వ ప్ర‌స్ధానం రెట్రోటెక్ అని ఆయ‌న ప్ర‌స్తావించారు. ఇక సీకో తెలిపిన వివ‌రాల ప్ర‌కారం ఈ త‌ర‌హా స్మార్ట్‌వాచ్ అప్ప‌టికి ఇదే తొలి డివైజ్‌. ఈ వాచ్‌లో 2000 క్యారెక్ట‌ర్ల వ‌ర‌కూ మెమ‌రి ఉండ‌టంతో పాటు టెలిఫోన్ నెంబ‌ర్లు, చిరునామాలు స్టోర్ చేసుకునే వెసులుబాటు ఉంది.

“Technology in search of a purpose”

From the first #smartwatch in 1982 to today’s marvel, it’s a journey of decades of technological evolution.#RetroTech pic.twitter.com/3ScizEGemp

— Rajeev Chandrasekhar 🇮🇳 (@Rajeev_GoI) February 11, 2024

ఒక నెల‌రోజుల షెడ్యూల్‌ను ఇందులో పొందుప‌ర‌చ‌వ‌చ్చు. సీకో రిస్ట్ కంప్యూట‌ర్ మినీ స‌మాచారం డివైజ్‌ల ఆరంభానికి నాందిగా మారింది. ఇక ఈ వీడియోను షేర్ చేసిన‌ప్ప‌టి నుంచి ఇప్ప‌టివ‌ర‌కూ ఏడు వేల‌కు పైగా వ్యూస్ రాగా, 450 మందికిపైగా యూజ‌ర్లు రియాక్ట‌య్యారు.

Read More :

Xiaomi 14 | 25న గ్లోబల్ మార్కెట్లలో షియోమీ 14 సిరీస్ ఫోన్ల ఆవిష్కరణ.. ఇవీ డిటైల్స్..!