Rahul Gandhi: చీఫ్ ఎన్నిక‌ల క‌మీష‌న‌ర్ నియామ‌కాన్ని వ్య‌తిరేకిస్తూ రాహుల్ గాంధీ లేఖ‌

Rahul Gandhi: సీఈసీ నియామ‌క ప్ర‌క్రియ‌లో సుప్రీంకోర్టు ఆదేశాల‌ను కేంద్రం ఉల్లంఘించిన‌ట్లు రాహుల్ గాంధీ ఆరోపించారు. కొత్త సీఈసీగా జ్ఞానేశ్వ‌ర్ కుమార్‌ను నియ‌మించ‌డాన్ని రాహుల్ వ్య‌తిరేకించారు.

న్యూఢిల్లీ: కొత్త చీఫ్ ఎన్నిక‌ల క‌మీష‌న‌ర్‌గా జ్ఞానేశ్వ‌ర్ కుమార్‌ను కేంద్ర ప్ర‌భుత్వం నియ‌మించిన విష‌యం తెలిసిందే. అయితే ప్ర‌భుత్వ నిర్ణ‌యాన్ని కాంగ్రెస్ నేత రాహుల్ గాంధీ(Rahul Gandhi) త‌ప్పుప‌ట్టారు. సుప్రీంకోర్టు ఆదేశాల‌ను కేంద్ర స‌ర్కారు తుంగ‌లో తొక్కిన‌ట్లు ఆరోపించారు. సీఈసీ ఎంపిక ప్ర‌క్రియ‌లో సుప్రీంకోర్టు చీఫ్ జ‌స్టిస్ ఉండాల‌ని, కానీ చీఫ్ జ‌స్టిస్ లేకుండానే హ‌డావుడిగా సీఈసీ పేరును ప్ర‌కటించిన‌ట్లు రాహుల్ విమ‌ర్శించారు. ప్ర‌ధాని, కేంద్ర హోంశాఖ మంత్రి ఈ ప్ర‌క్రియ‌లో అమ‌ర్యాద‌పూర్వ‌కంగా వ్య‌వ‌హ‌రించిన‌ట్లు ఆరోపించారు. సీఈసీ నియ‌మాక ప్ర‌క్రియ‌పై ప్ర‌స్తుతం సుప్రీంకోర్టులో కేసు పెండింగ్‌లో ఉన్న‌ట్లు చెప్పారు.

నియామ‌క ప్యాన‌ల్ నుంచి సీజేఐని తొల‌గించ‌డం వ‌ల్ల కోట్లాది మంది ఓట‌ర్ల ఆందోళ‌న‌ల‌ను మ‌రింత ఆందోళ‌న‌క‌రంగా మార్చిన‌ట్లు రాహుల్ ఆరోపించారు. 1949లో ఎన్నిక‌ల సంఘం ఏర్పాటు విష‌యంలో చేసిన వార్నింగ్‌ను కేంద్ర ప్ర‌భుత్వం ప‌క్క‌న‌పెట్టింద‌న్నారు. అంబేద్క‌ర్ ఆశ‌యాల‌ను కాపాడ‌డం ప్ర‌తిప‌క్ష నేత‌గా త‌న బాధ్య‌త అని, ప్ర‌భుత్వం దీనికి బాధ్య‌త వ‌హించాల్సి ఉంటుంద‌ని రాహుల్ పేర్కొన్నారు.

During the meeting of the committee to select the next Election Commissioner, I presented a dissent note to the PM and HM, that stated: The most fundamental aspect of an independent Election Commission free from executive interference is the process of choosing the Election… pic.twitter.com/JeL9WSfq3X

— Rahul Gandhi (@RahulGandhi) February 18, 2025