రైల్వే టికెట్ల బుకింగ్‌కు పీఆర్‌ఎస్‌ కౌంటర్లు

• 4 వేల కేంద్రాల్లో ఏర్పాటు: అశ్వినీ వైష్ణవ్‌

న్యూఢిల్లీ, ఫిబ్రవరి 5: రైల్వే టికెట్ల బుకింగ్‌ కోసం దేశవ్యాప్తంగా చేసిన ఏర్పాట్లపై రైల్వే మంత్రి అశ్వినీ వైష్ణవ్‌ శనివారం పార్లమెంట్‌లో వివరాలు వెల్లడించారు. రిజర్వేషన్‌ పరిధిలోకి వచ్చే టికెట్లు, జనరల్‌ టికెట్లను ఎక్కడ కొనుగోలు చేయవచ్చనేది చెప్పారు. ఆ వివరాలు ఇలా ఉన్నాయి.

రైల్వేలో 2.65 లక్షల పోస్టులు ఖాళీ

న్యూఢిల్లీ: వివిధ రైల్వే జోన్లలో 2,65,547 పోస్టులు ఖాళీగా ఉన్నాయని రైల్వే మంత్రి అశ్వినీ వైష్ణవ్‌ వెల్లడించారు. వీటిలో 2,177 గెజిటెడ్‌ పోస్టులు కాగా.. 2,63,370 నాన్‌గెజిటెడ్‌ పోస్టులు అని తెలిపారు. శుక్రవారం రాజ్యసభలో ఈ మేరకు లిఖితపూర్వక సమాధానమిచ్చారు. దక్షిణ మధ్య రైల్వేలో 43 గెజిటెడ్‌, 16,741 నాన్‌ గెజిటెడ్‌ పోస్టులు ఖాళీగా ఉన్నాయని వివరించారు.

చైనా ఆక్రమణలో 38వేల చ.కి.మీ. భూభాగం

• భారత్‌కు చెందిన 38 వేల చదరపు కిలోమీటర్ల భూభాగం గత ఆరు దశాబ్దాలుగా చైనా అధీనంలోనే ఉన్నదని కేంద్రం వెల్లడించింది. ఆక్రమిత ప్రాంతంలోని పాం గాంగ్‌ సరస్సుపై ఆ దేశం వంతెన నిర్మించినట్టు గుర్తించామని తెలిపింది. ఈ మేరకు కేంద్రమంత్రి మురళీధరన్‌ సమాధానమిచ్చారు.

రిజర్వ్‌డు టికెట్లు

• 3,962 ప్రాంతాల్లో కంప్యూటరైజ్డ్‌ ప్యాసింజర్‌ రిజర్వేషన్‌ సిస్టమ్‌(పీఆర్‌ఎస్‌) కౌంటర్లు ఉన్నాయి. ఇందులో 375 పోస్టు ఆఫీసుల్లో అందుబాటులో ఉన్నాయి. ఐఆర్‌సీటీసీ వెబ్‌సైట్‌, యాప్‌ ద్వారా బుకింగ్‌ చేసుకోవచ్చు.
• ఐఆర్‌సీటీసీ, యాత్రి టికెట్‌ సువిధ కేంద్ర(వైటీఎస్‌కే) ఏజెంట్ల దగ్గర బుక్‌ చేసుకోవచ్చు.

జనరల్‌ టికెట్లు

• దేశవ్యాప్తంగా 9,983 రైల్వే స్టేషన్లలో అన్‌రిజర్వ్‌డ్‌ టికెటింగ్‌ సిస్టమ్‌(యూటీఎస్‌) కౌంటర్లు ఉన్నాయి.
• యూటీఎస్‌ మొబైల్‌ యాప్‌ ద్వారా కూడా టికెట్లు కొనుగోలు చేయవచ్చు.
• 2,737 ఆటోమేటిక్‌ టికెట్‌ వెండింగ్‌ మెషీన్లు ఉన్నాయి.