Mayawati | రాజకీయ పార్టీలు ఉచితాలతో ఓటర్లను ఆకర్షించి మోసం చేస్తున్నాయి: మాయావతి
Mayawati | రాజకీయ పార్టీలు ఎన్నికలకు ముందు ఉచితాలతో ఓటర్లను ఆకర్షించి ఆ తర్వాత వారిని మోసం చేస్తున్నాయని బీఎస్పీ అధినేత్రి మాయావతి విమర్శించారు. ప్రభుత్వాలు ఏర్పడిన తర్వాత పదేపదే జరుగుతున్న ఇలాంటి మోసాలు, ద్రోహం పట్ల ప్రజలు అప్రమత్తంగా ఉండాలని ఆమె హెచ్చరించారు.
లక్నో: రాజకీయ పార్టీలు ఎన్నికలకు ముందు ఉచితాలతో ఓటర్లను ఆకర్షించి ఆ తర్వాత వారిని మోసం చేస్తున్నాయని బీఎస్పీ అధినేత్రి మాయావతి విమర్శించారు. ప్రభుత్వాలు ఏర్పడిన తర్వాత పదేపదే జరుగుతున్న ఇలాంటి మోసాలు, ద్రోహం పట్ల ప్రజలు అప్రమత్తంగా ఉండాలని ఆమె హెచ్చరించారు. (Mayawati) సోమవారం లక్నోలో జరిగిన బీఎస్పీ కార్యవర్గ సమావేశంలో మాయావతి మాట్లాడారు.
ఎన్నికలకు ముందు ఉచితాలు, ముఖ్యంగా మహిళలకు వ్యక్తిగత ప్రయోజనాలు చేకూర్చే రకరకాల ఆకర్షణీయమైన వాగ్దానాలు, ప్రకటనల ద్వారా ఓటర్లను తప్పుగా ప్రభావితం చేయడానికి రాజకీయ పార్టీలు ప్రయత్నిస్తున్నాయని ఆరోపించారు. కానీ ప్రభుత్వాలు ఏర్పడిన తర్వాత పదేపదే వాగ్దానాలను ఉల్లంఘించడాన్ని దేశవ్యాప్తంగా ప్రజలు చూస్తున్నారని గుర్తు చేశారు.
కాగా, నిరంతరం జరుగుతున్న వాగ్దానాల భంగం, మోసం, బాధ్యతారాహిత్యానికి వ్యతిరేకంగానే బీఎస్పీ పోరాడుతున్నదని మాయావతి తెలిపారు. జెన్ జెడ్, జెన్ ఆల్ఫా తరాల యువత ప్రజా వ్యతిరేక విధానాలకు వ్యతిరేకంగా ఎక్కువగా గళం విప్పుతున్నారని గుర్తు చేశారు. పోలీసు కేసులతో సహా ప్రభుత్వ అణచివేతను వారు ఎదుర్కొంటున్నారని అన్నారు. ద్రవ్యోల్బణం, పేదరికం, నిరుద్యోగంతో ముడిపడి ఉన్న వలసలు, నేపాల్లోని వరద పరిస్థితి, తూర్పు ఉత్తరప్రదేశ్పై దాని ప్రభావం వంటి పలు అంశాలపై ఆమె మాట్లాడారు.
మరోవైపు ఉత్తరప్రదేశ్లో బీఎస్పీ ఐదవసారి ప్రభుత్వాన్ని ఏర్పాటు చేస్తుందని, ‘అందరి హితం, అందరి సుఖం’ ఆధారంగా ఉత్తమమైన చట్టబద్ధ పాలన అందిస్తుందని మాయావతి విశ్వాసం వ్యక్తం చేశారు. త్వరలో జరుగనున్న ఉత్తరప్రదేశ్ అసెంబ్లీ ఎన్నికల కోసం పార్టీ చేస్తున్న సన్నాహాలను సమీక్షించారు. ఓటర్ల జాబితాలపై ప్రత్యేక సమగ్ర సవరణ (సర్)తో పాటు అభ్యర్థుల ఎంపిక, పోలింగ్ బూత్ స్థాయి వరకు కమిటీల పునర్వ్యవస్థీకరణ వంటి అంశాలపై పార్టీ నేతలతో ఆమె చర్చించారు. అక్టోబర్ 9న జరుగనున్న కాన్షీరామ్ వర్ధంతి కార్యక్రమాన్ని ‘మిషనరీ స్ఫూర్తి’తో నిర్వహించాలని పార్టీ నేతలకు మాయావతి సూచించారు.
Read Today's Latest National News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

