ఆయుధాలు వదిలేస్తే పోలీసులు కాల్పులు జరపరు.. మావోయిస్టులకు అమిత్‌ షా సందేశం

శాంతిని కోరుకునేవారు తక్షణమే లొంగిపోవాలని కేంద్ర హోం మంత్రి అమిత్‌ షా ఆదివారం చెప్పారు. మావోయిస్టులు కాల్పుల విరమణను కోరుతున్నట్లు వార్తలు వచ్చిన నేపథ్యంలో ఆయన మాట్లాడుతూ.. “ఇప్పటి వరకు జరిగినది తప్పు అంటూ ఓ లేఖ చక్కర్లు కొడుతున్నది.

న్యూఢిల్లీ: శాంతిని కోరుకునేవారు తక్షణమే లొంగిపోవాలని కేంద్ర హోం మంత్రి అమిత్‌ షా ఆదివారం చెప్పారు. మావోయిస్టులు కాల్పుల విరమణను కోరుతున్నట్లు వార్తలు వచ్చిన నేపథ్యంలో ఆయన మాట్లాడుతూ.. “ఇప్పటి వరకు జరిగినది తప్పు అంటూ ఓ లేఖ చక్కర్లు కొడుతున్నది. లొంగిపోవడానికి అంగీకరిస్తూ, కాల్పుల విరమణ జరగాలని కోరుతున్నట్లు దానిలో ఉంది.

కాల్పుల విరమణ ఉండదు. లొంగిపోవాలని అనుకుంటే, కాల్పుల విరమణ అవసరం ఉండదు. మీ ఆయుధాలను వదిలిపెట్టండి, పోలీసులు ఒక తూటానైనా పేల్చరు” అని అన్నారు.