Pamela Chopra: య‌శ్ చోప్రా భార్య ప‌మేలా చోప్రా క‌న్నుమూత‌

Pamela Chopra: నిర్మాత, సింగ‌ర్ ప‌మేలా చోప్రా క‌న్నుమూశారు. ప్ర‌ఖ్యాత నిర్మా య‌శ్ చోప్రా భార్యే ప‌మేలా. క‌బీ క‌బీ, నూరీ, సిల్‌సిలా లాంటి చిత్రాల‌కు ఆమె ప‌నిచేశారు. యశ్ నిర్మాణంలో వ‌చ్చిన చాలా సినిమాల‌ను ఆమె కో ప్రొడ్యూస్ చేశారు.

న్యూఢిల్లీ: ప్ర‌ఖ్యాత సినీ నిర్మాత య‌శ్ చోప్రా భార్య .. నిర్మాత‌, సింగ‌ర్ ప‌మేలా చోప్రా(Pamela Chopra) క‌న్నుమూశారు. ఆమె వ‌య‌సు 85 ఏళ్లు. బాలీవుడ్ ర‌చ‌యిత జావెద్ అక్త‌ర్ త‌న ట్విట్ట‌ర్‌లో ఈ విష‌యాన్ని తెలిపారు. ప‌మేలా చోప్రా గొప్ప మ‌హిళ అని, చాలా తెలివైంద‌ని, విద్యావేత్త అని, ఎప్పుడూ న‌వ్విస్తూ ఉంటుంద‌ని జావెద్ అక్త‌ర్ తెలిపారు. ఆమె కుమారుడు ఆదిత్య చోప్రా ప్ర‌స్తుతం ఫిల్మ్‌మేక‌ర్‌గా ఉన్నారు. మ‌రో కుమారుడు ఉద‌య్ చోప్రా యాక్టింగ్‌లో ఉన్నారు. న‌టి రాణీ ముఖ‌ర్జీని ఆదిత్య చోప్రా పెళ్లాడాడు.

బాలీవుడ్ ఫిల్మ్ ఇండ‌స్ట్రీలో ప‌మేలా చోప్రా .. సింగ‌ర్‌, రైట‌ర్, డ్రెస్ డిజైన‌ర్‌గా చేశారు. య‌శ్ రాజ్ ఫిల్మ్స్‌లో చాలా వ‌ర‌కు ఆమె కో ప్రొడ్యూస్ చేశారు. ఇటీవ‌ల ఆమె నెట్‌ఫ్లిక్స్ డాక్యుమెంట‌రీలో న‌టించింది. య‌శ్ చోప్రా 2012లో మృతిచెందారు. ప‌మేలా, య‌శ్ చోప్రాలు 1970లో పెళ్లి చేసుకున్నారు.

క‌బీ క‌బీ, నూరీ, క‌లా ప‌త్త‌ర్‌, సిల్‌సిలా, చాందినీ, దిల్‌వాలే దుల్హ‌నియా లే జాయింగే, ముజ్‌సే దోస్తీ క‌రోగీ లాంటి చిత్రాల్లో ప‌మేలా చోప్రా పాట‌లు పాడారు. క‌బీ క‌బీ చిత్రానికి రైట‌ర్‌గా చేశారు. దిల్‌తో పాగ‌ల్ హై సినిమాకు స‌హ ర‌చ‌యిత‌గా ఉన్నారు. సిల్ సిలా, స‌వాల్ చిత్రాల‌కు డ్రెస్ డిజైన‌ర్‌గా చేశారు.