Punjab | లుథియానా బ్లాస్ట్‌ వెనక పాక్ హ‌స్తం?
పంజాబ్‌లోని లుథియానా కోర్టు కాంప్లెక్స్‌లో జ‌రిగిన బాంబు పేలుడు వెనుక పాక్ హ‌స్త‌మున్న‌ట్లు అధికారులు అనుమానాలు వ్య‌క్తం చేస్తున్నారు.
పంజాబ్‌లోని లుథియానా కోర్టు కాంప్లెక్స్‌లో జ‌రిగిన బాంబు పేలుడు వెనుక పాక్ హ‌స్త‌మున్న‌ట్లు అధికారులు అనుమానాలు వ్య‌క్తం చేస్తున్నారు. పాక్ కేంద్రంగా ఉన్న ఖ‌లిస్థానీ గ్రూపు హ‌స్తం ఉంద‌ని అధికారులు అనుమానాలు వ్య‌క్త చేస్తున్నారు. ఈ పేలుడు ఐఈడీ పేలుడు కావొచ్చ‌ని పోలీసు ఉన్న‌తాధికారులు అనుమానాలు వ్య‌క్తం చేస్తున్నారు. బాత్‌రూంలో బాంబును తయారు చేసే క్ర‌మంలోనే బాంబు పేలి ఉంటుంద‌ని పోలీసులు అనుమానాలు వ్య‌క్తం చేస్తున్నారు.
పంజాబ్ లుథియానా కోర్టు కాంప్లెక్స్‌లో గురువారం మ‌ధ్యాహ్నం పేలుడు సంభ‌వించింది. ఈ పేలుడు ధాటికి ఇద్ద‌రు మృతి చెంద‌గా, ఐదుగురు తీవ్రంగా గాయ‌ప‌డ్డారు. కోర్టు కాంప్లెక్స్‌లోని బాత్‌రూంలో మ‌ధ్యాహ్నం ఈ పేలుడు సంభ‌వించింద‌ని పోలీసులు నిర్ధారించుకున్నారు. ఈ పేలుడుతో బాత్‌రూం గోడ పూర్తిగా ధ్వంస‌మైంది. స‌మీపంలోని గ‌దుల అద్దాలు కూడా ప‌గిలిపోయాయి. మ‌రోవైపు ఈ సంఘ‌ట‌న‌కు సంబంధించిన వివ‌రాల‌ను కేంద్ర హోంశాఖ కార్య‌ద‌ర్శి అజ‌య్ భ‌ల్లా కేంద్ర హోంమంత్రి అమిత్‌షాకు వివ‌రించారు.
Read Today's Latest National News in Telugu and Telugu News
- Follow Us :
-
