Ind vs Pak | బంగాళాఖాతంలోకి పాకిస్థాన్ సబ్మెరైన్.. చైనా సహకారం.. 1971 తర్వాత ఇదే తొలిసారి..!
Ind vs Pak | భారతదేశానికి అత్యంత కీలకమైన బంగాళాఖాతం (Bay of Bengal) లో వ్యూహాత్మక ఉనికిని చాటుకోవడానికి పాకిస్థాన్ నౌకాదళం (Pakistan Navy) సరికొత్త ప్రణాళికలు సిద్ధం చేస్తున్నది. చైనా (China) సాయంతో తమ నౌకాదళంలోకి కొత్తగా చేర్చుకున్న అత్యాధునిక హ్యాంగర్ క్లాస్ జలాంతర్గాముల (Hanger class Submerines) ను ఈ ప్రాంతంలో మోహరించాలని పాకిస్థాన్ భావిస్తున్నది.
Ind vs Pak : భారతదేశానికి అత్యంత కీలకమైన బంగాళాఖాతం (Bay of Bengal) లో వ్యూహాత్మక ఉనికిని చాటుకోవడానికి పాకిస్థాన్ నౌకాదళం (Pakistan Navy) సరికొత్త ప్రణాళికలు సిద్ధం చేస్తున్నది. చైనా (China) సాయంతో తమ నౌకాదళంలోకి కొత్తగా చేర్చుకున్న అత్యాధునిక హ్యాంగర్ క్లాస్ జలాంతర్గాముల (Hanger class Submerines) ను ఈ ప్రాంతంలో మోహరించాలని పాకిస్థాన్ భావిస్తున్నది. 1971 యుద్ధంలో భారత్ చేతిలో ఘోర పరాజయం తర్వాత బంగాళాఖాతంలో పాకిస్థాన్ సైనిక ఉనికి పూర్తిగా లేకుండా పోయింది. అయితే చైనాలో తయారైన మొదటి హ్యాంగర్ జలాంతర్గామి గత వారం కరాచీ నౌకాదళ స్థావరానికి చేరుకోవడంతో.. దాని సాయంతో హిందూ మహాసముద్రంలో తమ పరిధిని విస్తరించుకోవచ్చని పాక్ భావిస్తున్నది.
శ్రీలంకలోని కొలంబో ఓడరేవుకు వచ్చిన ఒక పాకిస్థాన్ యుద్ధ నౌక వేదికగా అక్కడి కమాండర్ ఒమర్ ఫారూఖ్ ఈ సంచలన వ్యాఖ్యలు చేశారు. చైనాతో కుదుర్చుకున్న భారీ రక్షణ ఒప్పందంలో భాగంగా పాకిస్థాన్ మొత్తం ఎనిమిది హ్యాంగర్ క్లాస్ జలాంతర్గాములను కొనుగోలు చేస్తోంది. వీటిలో నాలుగు చైనాలో తయారు కానుండగా.. మిగిలిన నాలుగింటిని కరాచీలోనే నిర్మిస్తారు. ఈ జలాంతర్గాములలో శత్రువుల రాడార్లకు చిక్కకుండా ఎక్కువ రోజులపాటు సముద్రం లోపలే మునిగి ఉండేలా గాలితో సంబంధం లేని అత్యాధునిక చోదక సాంకేతికతను ఉపయోగించారు. ఇవి తమ నౌకాదళ బలాన్ని పూర్తిగా మార్చేస్తాయని పాకిస్థాన్ అధికారులు ధీమా వ్యక్తంచేస్తున్నారు.
బంగాళాఖాతంలో విశాఖపట్నం వేదికగా ఉన్న భారత తూర్పు నౌకాదళ స్థావరానికి, ప్రధాన వాణిజ్య సముద్ర మార్గాలకు ఈ పరిణామం సవాలుగా మారే ప్రమాదం ఉంది. పైగా ఇటీవల బంగ్లాదేశ్, పాకిస్థాన్ దేశాల మధ్య నేరుగా విమాన సర్వీసులు, వాణిజ్యం, సైనిక బంధాలు బలపడటం కూడా ఈ వ్యూహానికి కలిసి వస్తోంది. అయితే భారత్ ఇప్పటికే బంగాళాఖాతంలో అణు జలాంతర్గాములు, విమాన వాహక నౌకలతో అత్యంత శక్తిమంతమైన ఉనికిని కలిగి ఉంది. అండమాన్ నికోబార్ దీవులలో కూడా భారత్ తన రక్షణ సామర్థ్యాలను నిరంతరం పెంచుకుంటూనే ఉంది.
Read Today's Latest National News in Telugu and Telugu News
RELATED ARTICLES
తాజా వార్తలు
Inter Exams schedule | రాష్ట్రంలో ఇంటర్ పరీక్షల షెడ్యూల్ విడుదల..!
Diabetes | వయసుతోపాటు బీపీ, షుగర్, కొలెస్ట్రాల్ వస్తాయా? పోషకాహార నిపుణుల కీలక హెచ్చరిక..
తమిళనాడు ఇన్వెస్ట్మెంట్ వివరాలు ఆంధ్రాకు లీక్?.. 15 మంది అధికారులను తొలగించిన సీఎం విజయ్
AP News | ఏపీలో 58 ఎంపీపీ స్థానాల్లో ఎన్నికలు పెండింగ్..!
AP News | బొత్స ఇలాకాలో వైసీపీకి ఘోర పరాజయం.. కేవలం ఒక్క ఎంపీపీ స్థానమే దక్కిన వైనం..!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

