కొత్త ఉపాధి చట్టం చారిత్రక తప్పిదం.. మోదీకి అంతర్జాతీయ ఆర్థిక నిపుణుల లేఖ

భారత దేశంలో లక్షలాది మంది కార్మికులకు ఉపాధి కల్పించే ఎంజీనరేగా చట్టం స్థానంలో పలు మార్పులతో కొత్త చట్టం తేవడం చారిత్రక తప్పిదంగా పలువురు అంతర్జాతీయ ఆర్థిక నిపుణులు పేర్కొన్నారు.

న్యూఢిల్లీ: భారత దేశంలో లక్షలాది మంది కార్మికులకు ఉపాధి కల్పించే ఎంజీనరేగా చట్టం స్థానంలో పలు మార్పులతో కొత్త చట్టం తేవడం చారిత్రక తప్పిదంగా పలువురు అంతర్జాతీయ ఆర్థిక నిపుణులు పేర్కొన్నారు. ఈ మేరకు వారు ఒక బహిరంగ లేఖను కేంద్రంలోని మోదీ ప్రభుత్వానికి పంపారు. బార్డ్‌ కాలేజీకి చెందిన ఎకనామిక్స్‌ ఇనిస్టిట్యూట్‌ కూర్చిన ఈ లేఖలో ఎంజీనరేగా చట్టం రద్దు చర్యను ‘నిర్మాణాత్మక విధ్వంసం, చారిత్రక తప్పిదంతో పోల్చారు.

కొత్త చట్టం రాష్ర్టాల మీద భరించలేని బాధ్యతలను మోపుతున్నదని విమర్శించారు. ఈ బహిరంగ లేఖపై సంతకం చేసిన వారిలో ఐరాస ప్రత్యేక నివేదికుడు అలివర్‌ డె షట్టర్‌, యూనివర్సిటీ ఆఫ్‌ టెక్సాస్‌ ప్రొఫెసర్‌ జేమ్స్‌ గాల్‌బ్రైత్‌, యూఎస్‌ ప్రొఫెసర్‌ డెరీక్‌ హమిల్టన్‌, లండన్‌ ప్రొఫెసర్‌ మరియానా మజుకాటో ..తదితరులు ఉన్నారు.