NCRB Report | దేశంలో మ‌ళ్లీ పెరిగిన వ‌ర‌క‌ట్న వేధింపులు.. NCRB రిపోర్ట్‌లో కీల‌క విష‌యాలు..!

NCRB Report | దేశంలో 2023లో వరకట్న సంబంధిత నేరాలు 14 శాతం పెరిగాయి. నేషనల్ క్రైమ్ రికార్డ్స్ బ్యూరో (NCRB) తాజా నివేదిక 'భారతదేశంలో నేరం 2023' ప్రకారం.. ఏడాది పొడవునా 15,489 కేసులు నమోదయ్యాయి. అదనంగా వరకట్నం వేధింపుల కార‌ణంగా 6,156 మంది మహిళలు ప్రాణాలు కోల్పోయారు.

NCRB Report | దేశంలో 2023లో వరకట్న సంబంధిత నేరాలు 14 శాతం పెరిగాయి. నేషనల్ క్రైమ్ రికార్డ్స్ బ్యూరో (NCRB) తాజా నివేదిక ‘భారతదేశంలో నేరం 2023’ ప్రకారం.. ఏడాది పొడవునా 15,489 కేసులు నమోదయ్యాయి. అదనంగా వరకట్నం వేధింపుల కార‌ణంగా 6,156 మంది మహిళలు ప్రాణాలు కోల్పోయారు. నివేదిక ప్రకారం, 2021లో వరకట్న నిషేధ చట్టం కింద 13,568 కేసులు నమోదయ్యాయి. ఈ సంఖ్య 2022లో 13,479 కేసులకు తగ్గింది. అయితే, 2023లో మ‌ళ్లీ కేసులు పెరిగాయి. 15,489 కేసులు రికార్డ‌య్యాయి. ఉత్తరప్రదేశ్‌లో అత్యధికంగా 7,151 కేసులు నమోదయ్యాయి. ఆ తర్వాత బీహార్‌లో 3,665 కేసులు, కర్ణాటకలో 2,322 కేసులు న‌మోద‌య్యాయి.

13 రాష్ట్రాలు, కేంద్రపాలిత ప్రాంతాలు (పశ్చిమ బెంగాల్, గోవా, అరుణాచల్ ప్రదేశ్, లడఖ్, సిక్కిం) 2023లో వరకట్న సంబంధిత మరణాలు కూడా చాలా తీవ్ర‌మైన కేసులున్నాయి. 2023లో మొత్తం 6,156 మంది మహిళలు ప్రాణాలు కోల్పోయారని NCRB నివేదిక పేర్కొంది. ఉత్తరప్రదేశ్ అత్యధికంగా 2,122 మరణాలు న‌మోద‌య్యాయి. 1,143 మరణాలతో బీహార్ రెండవ స్థానంలో నిలిచింది. 2023లో 833 హత్యలకు వరకట్న వేధింపులు కారణంగా నివేదిక తెలిపింది. 2023లో మొత్తం 83,327 వరకట్న సంబంధిత కేసులు కోర్టుల్లో పెండింగ్‌లో ఉన్నాయి. ఇందులో 69,434 ఇంత‌కు ముందు నుంచి పెండింగ్‌లో ఉన్నాయి. ఈ కాలంలో, 27,154 మంది అరెస్టులు జరిగాయి. వీరిలో 22,316 మంది పురుషులు.. 4,838 మంది మహిళలు అరెస్ట‌యిన వారిలో ఉన్నారు.