ఉల్లి నిల్వల కోసం ఎన్‌సీసీఎఫ్‌ కొనుగోళ్లు

నిల్వల నిమిత్తం నేషనల్‌ కోఆపరేటివ్‌ కంజ్యూమర్స్‌ ఫెడరేషన్‌(ఎన్‌సీసీఎఫ్‌) భారీగా ఉల్లి కొనుగోలు చేపట్టింది. గత నాలుగు రోజుల వ్యవధిలో ప్రధానంగా మహారాష్ట్రతో పాటు పలు ఇతర రాష్ర్టాల రైతుల నుంచి నేరుగా 2,826 టన్నుల ఉల్లిపాయలను కొనుగోలు చేసినట్టు శనివారం ఓ ప్రకటనలో వెల్లడించింది.

న్యూఢిల్లీ, ఆగస్టు 26: నిల్వల నిమిత్తం నేషనల్‌ కోఆపరేటివ్‌ కంజ్యూమర్స్‌ ఫెడరేషన్‌(ఎన్‌సీసీఎఫ్‌) భారీగా ఉల్లి కొనుగోలు చేపట్టింది. గత నాలుగు రోజుల వ్యవధిలో ప్రధానంగా మహారాష్ట్రతో పాటు పలు ఇతర రాష్ర్టాల రైతుల నుంచి నేరుగా 2,826 టన్నుల ఉల్లిపాయలను కొనుగోలు చేసినట్టు శనివారం ఓ ప్రకటనలో వెల్లడించింది.

క్వింటాల్‌ ఉల్లికి రూ.2,410 చొప్పున చెల్లించినట్టు తెలిపింది. ప్రభుత్వం ఈ ఏడాది ఉల్లి బఫర్‌ స్టాక్‌ లక్ష్యాన్ని భారీగా పెంచింది. ఈ నేపథ్యంలో సహకార సంస్థలైన ఎన్‌సీసీఎఫ్‌తో పాటు నాఫెడ్‌ లక్ష టన్నుల ఉల్లి చొప్పున రైతుల నుంచి కొనుగోలు చేయాలని ఆదేశాలు జారీ చేసింది.