తౌటే తుఫాన్‌.. ముంబై విమానాశ్ర‌యం బంద్‌
ముంబై విమానాశ్ర‌యం| తౌటే తుఫాను ప్ర‌భావంతో ముంబై విమానాశ్ర‌యం మూత‌ప‌డ‌నుంది. సోమవారం ఉద‌యం 11 గంట‌ల నుంచి మ‌ధ్యాహ్నం 2 గంట‌ల వరకు విమానాశ్ర‌యాన్ని మూసివేస్తున్న‌ట్లు విమాన‌యాన శాఖ ప్రకటించింది.
ముంబై: తౌటే తుఫాను ప్ర‌భావంతో ముంబై విమానాశ్ర‌యం మూత‌ప‌డ‌నుంది. సోమవారం ఉద‌యం 11 గంట‌ల నుంచి మ‌ధ్యాహ్నం 2 గంట‌ల వరకు విమానాశ్ర‌యాన్ని మూసివేస్తున్న‌ట్లు విమాన‌యాన శాఖ ప్రకటించింది. అరేబియా సముద్రంలో ఏర్పడిన తౌటే తుఫాను పెను తుఫానుగా మారి గుజరాత్‌వైపు పయనిస్తున్నట్టు వాతావరణ విభాగం (ఐఎండీ) తెలిపింది. ఇప్పటికే ఈ తుఫానుతో కేరళ, కర్ణాటక, గోవా తీర ప్రాంతాలు భారీగా దెబ్బ‌తిన్నాయి. గుజరాత్లో పెను విధ్వంసం సృష్టించే అవ‌కాశం ఉందని ఐఎండీ హెచ్చరించింది. ఈ తుఫాను ఉత్తర, వాయ‌వ్య దిశగా పయనించి సోమవారం సాయంత్రానికి గుజరాత్‌ తీరాన్ని తాకి, మంగళవారం తెల్లవారుజామున పోరుబందర్‌- మహువా (భావ్‌నగర్ జిల్లా) ల మధ్య తీరాన్ని దాటనుందని వెల్లడించింది.
తుఫాను గంటకు 18 కిలోమీటర్ల వేగంతో ముందుకు సాగుతున్న నేపథ్యంలో గుజరాత్‌తో పాటు కేంద్రపాలిత ప్రాంతాలైన డామన్ డయ్యూ ‘ఆరెంజ్ అలర్ట్‌’ ప్రకటించింది. తుఫాను కారణంగా ప్రచండ గాలులు వీస్తాయని, గాలి వేగం గంటకు 160-185 కి.మీ.కు పెరుగుతుందని తుఫాను హెచ్చరికల కేంద్రం తెలిపింది. సోమవారం మహారాష్ట్ర తీర ప్రాంతంలో గాలి వేగం గంటకు 65-75 కి.మీ.; దుమారం వేగం గంటకు 85 కి.మీ. ఉంటుందని పేర్కొంది.
లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి
ఇవికూడా చదవండి..
క‌రోనాతో మ‌రో సీనియ‌ర్ జ‌ర్న‌లిస్ట్ క‌న్నుమూత
చెడు వ్య‌స‌నాలు.. స్నేహితున్ని హ‌త్య‌చేసిన టీనేజ‌ర్లు
గుడ్ న్యూస్‌.. ఈ నెల 20 వరకు రేషన్‌ బియ్యం పంపిణీ
తెరుచుకున్న కేదార్‌నాథ్‌ ఆలయం.. భక్తులకు నో ఎంట్రీ
ఉస్మానాబాద్‌ జైలులో 133 మంది ఖైదీలకు కరోనా
గుజరాత్లో భూకంపం
చేయని తప్పుకు శిక్ష.. 550 కోట్ల పరిహారం!
Read Today's Latest National News in Telugu and Telugu News
- Follow Us :
-
