Karnataka | కర్ణాటకలో మరో భూ కుంభకోణం.. లబ్ధిదారుల పేరుతో రూ.16.85 కోట్ల విలువైన స్థలాలు స్వాహా

కాంగ్రెస్‌ పాలిత కర్ణాటకలో ఇప్పటికే ముడా కుంభకోణం ప్రకంపనలు సృష్టిస్తుండగా, తాజాగా రూ.16.85 కోట్ల అంబేద్కర్‌ డెవలప్‌మెంట్‌ కార్పొరేషన్‌ స్కామ్‌ను లోకాయుక్త బయటపెట్టింది. విజయపుర జిల్లాలో ఉన్న ఈ సొసైటీ ద్వారా రూ.16.85 కోట్ల భూ కేటాయింపు స్కామ్‌ జరిగినట్టు వెల్లడించింది.

Karnataka | బెంగళూరు: కాంగ్రెస్‌ పాలిత కర్ణాటకలో ఇప్పటికే ముడా కుంభకోణం ప్రకంపనలు సృష్టిస్తుండగా, తాజాగా రూ.16.85 కోట్ల అంబేద్కర్‌ డెవలప్‌మెంట్‌ కార్పొరేషన్‌ స్కామ్‌ను లోకాయుక్త బయటపెట్టింది. విజయపుర జిల్లాలో ఉన్న ఈ సొసైటీ ద్వారా రూ.16.85 కోట్ల భూ కేటాయింపు స్కామ్‌ జరిగినట్టు వెల్లడించింది.

భూమి లేని ఎస్సీ, ఎస్టీ మహిళలకు పంచాల్సిన భూములను కొందరు నకిలీ పత్రాలతో కాజేసి ఈ కుంభకోణానికి పాల్పడ్డారు. ఇటీవల రూ.88 కోట్ల వాల్మీకి కుంభకోణం వెలుగుచూడగా, లోకాయుక్త అధికారులు పలు చోట్ల దాడులు నిర్వహించారు. ఆ సమయంలోనే తాజా కుంభకోణం బయటపడింది.