పాజిటివిటీ10% దాటితే లాక్డౌనే మార్గం
- నైట్కర్ఫ్యూ, వారాంతపు ఆంక్షలతో ప్రయోజనం లేదు
- దేశవ్యాప్త లాక్డౌన్ పరిష్కార మార్గం కాదు
- ఎయిమ్స్ డైరెక్టర్ రణ్దీప్ గులేరియా సూచనలు
న్యూఢిల్లీ, మే 4: దేశంలో కార్చిచ్చులా వ్యాపిస్తున్న కరోనా కట్టడికి ఢిల్లీలోని ఎయిమ్స్ డైరెక్టర్ రణ్దీప్ గులేరియా కీలక సూచనలు చేశారు. పాజిటివిటీ రేటు 10 శాతం దాటిన లేదా దవాఖానల్లో బెడ్లు 60 శాతం నిండిన ప్రాంతాల్లో కఠిన లాక్డౌన్ విధించాలని సూచించారు. ప్రస్తుతం రాష్ర్టాలు విధిస్తున్న నైట్ కర్ఫ్యూలు, వారాంతపు లాక్డౌన్లు వైరస్ను నియంత్రించలేవని, వీటితో పెద్దగా ప్రయోజనమేమీ ఉండదని అభిప్రాయపడ్డారు. వైరస్ తీవ్రత అధికంగా ఉన్న ప్రాంతాల్లో లాక్డౌన్ విధించడమే ఉత్తమమని చెప్పారు. కేంద్రహోంశాఖ మార్గదర్శకాల్లోనూ దీన్ని ప్రస్తావించారని, అయితే కఠినంగా అమలుచేయడం లేదని పేర్కొన్నారు. ఇంతటి భారీ స్థాయిలో కేసులను ఏ వైద్య వ్యవస్థా తట్టుకోలేదని, వైరస్ కట్టడికి కొంతకాలంపాటు కఠిన చర్యలు చేపట్టాల్సిన అవసరం ఉన్నదని స్పష్టంచేశారు. వైరస్ వ్యాప్తి ఎక్కువగా ఉన్న ప్రాంతాల్లో లాక్డౌన్ విధించాలని, పాజిటివిటీ రేటు తగ్గిన తర్వాత ఆ ప్రాంతాల్లో దశలవారీగా అన్లాక్ ప్రక్రియను ప్రారంభించాలని సూచించారు. అలాగే వైరస్ ఉద్ధృతి అధికంగా ఉన్న ప్రాంతాల నుంచి ఇతర ప్రాంతాలకు ప్రయాణాలపై ఆంక్షలను విధించాలన్నారు. దేశవ్యాప్త లాక్డౌన్పై గులేరియా స్పందిస్తూ.. ప్రజల జీవనోపాధి, వలస కూలీలపై ప్రభావం దృష్ట్యా ఇది పరిష్కార మార్గం కాదని పేర్కొన్నారు. పాజిటివిటీ రేటు తక్కువగా ఉన్న ప్రాంతాల్లో రోజువారీ కార్యకలాపాలకు అనుమతించవచ్చన్నారు.
పూర్తి లాక్డౌన్ ఒక్కటే మార్గం: రాహుల్
కరోనా ఉద్ధృతిని ఆపాలంటే పూర్తి లాక్డౌన్ విధించడం ఒక్కటే ఇప్పుడున్న మార్గమని కాంగ్రెస్ నేత రాహుల్ గాంధీ అన్నారు. ఈ సమయంలో పేదలు ఇబ్బందులు పడకుండా కనీస ఆదాయ హామీ పథకం (న్యాయ్) అమలు చేయాలని సూచించారు. మరోవైపు, కరోనా కేసులు పెరిగిపోతుండటంతో బీహార్లో ఈ నెల 15 వరకు లాక్డౌన్ విధిస్తున్నట్లు ఆ రాష్ట్ర ప్రభుత్వం ప్రకటించింది.
Read Today's Latest National News in Telugu and Telugu News
RELATED ARTICLES
తాజా వార్తలు
Brs Party | ఖైరతాబాద్లో బీఆర్ఎస్లో చేరిన కాంగ్రెస్ నేతలు.. వీడియో
Sun Group | అనిరుధ్, కావ్య మారన్ వివాహ వేడుక.. ఉద్యోగులకు బంగారం కానుకగా ఇచ్చిన సన్ గ్రూప్!
‘కృష్ణా జలాల అక్రమ తరలింపును తక్షణమే ఆపాలి’
KTR | కేటీఆర్ చేతుల మీదుగా ‘ఏఐ కెన్ రైట్ ద కోడ్’ పుస్తకావిష్కరణ.. యువ ఇంజినీర్లకు నూతన దిశానిర్దేశం!
Thalasani Srinivas Yadav | బీఆర్ఎస్ హయాంలోనే మత్స్యరంగం అభివృద్ధి : మాజీమంత్రి తలసాని శ్రీనివాస్ యాదవ్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

