CM As University Chancellor | యూనివర్శిటీ ఛాన్సలర్గా గవర్నర్ బదులు సీఎం.. కర్ణాటక క్యాబినెట్ ఆమోదం
CM As University Chancellor | కర్ణాటకలో అధికారంలో ఉన్న కాంగ్రెస్ ప్రభుత్వం కీలక నిర్ణయం తీసుకున్నది. యూనివర్శిటీ ఛాన్సలర్గా గవర్నర్ బదులు సీఎంను నియమించింది. దీనికి సంబంధించిన బిల్లును ఆ రాష్ట్ర మంత్రివర్గం ఆమోదించింది.
బెంగళూరు: కర్ణాటకలో అధికారంలో ఉన్న కాంగ్రెస్ ప్రభుత్వం కీలక నిర్ణయం తీసుకున్నది. యూనివర్శిటీ ఛాన్సలర్గా గవర్నర్ బదులు సీఎంను నియమించింది. దీనికి సంబంధించిన బిల్లును ఆ రాష్ట్ర మంత్రివర్గం ఆమోదించింది. ( CM As University Chancellor) ప్రతిపాదిత సవరణ బిల్లు ప్రకారం కర్ణాటక రాష్ట్ర గ్రామీణాభివృద్ధి, పంచాయత్ రాజ్ విశ్వవిద్యాలయం ఛాన్సలర్గా గవర్నర్ స్థానంలో ఇకపై ముఖ్యమంత్రి ఉంటారు. గురువారం సీఎం సిద్ధరామయ్య అధ్యక్షతన జరిగిన మంత్రివర్గ సమావేశంలో ఈ నిర్ణయం తీసుకున్నారు.
కాగా, ఆ రాష్ట్ర న్యాయ, పార్లమెంటరీ వ్యవహారాల మంత్రి హెచ్ పాటిల్ ఈ బిల్లు గురించి మీడియాతో మాట్లాడారు. కర్ణాటక రాష్ట్ర గ్రామీణాభివృద్ధి, పంచాయత్ రాజ్ విశ్వవిద్యాలయం సవరణ చట్టానికి మంత్రివర్గం సమ్మతి తెలిపిందని చెప్పారు. ఇప్పటి వరకు ఛాన్సలర్గా గవర్నర్ ఉండగా, ఈ సవరణతో ఛాన్సలర్గా ముఖ్యమంత్రి ఉంటారని అన్నారు. దీంతో ఛాన్సలర్ అధికారాలన్నీ సీఎంకు బదిలీ అవుతాయని తెలిపారు. ప్రస్తుతానికి ఈ యూనివర్సిటీకి మాత్రమే ఈ సవరణ వర్తిస్తుందని చెప్పారు. మిగతా యూనివర్సిటీల ఛాన్సలర్ మార్పుపై కూడా త్వరలో చర్చిస్తామని అన్నారు. అయితే ఈ బిల్లును గవర్నర్ ఆమోదించాల్సి ఉంది.
మరోవైపు కర్ణాటక గవర్నర్ థావర్చంద్ గెహ్లాట్ స్థానంలో ముఖ్యమంత్రి సిద్ధరామయ్యను కొత్త ఛాన్సలర్గా నియమిస్తూ కాంగ్రెస్ ప్రభుత్వం తీసుకున్న నిర్ణయాన్ని ఆ రాష్ట్రంలో ప్రతిపక్షమైన బీజేపీ శుక్రవారం ఖండించింది. రాష్ట్రంలోని ఉన్నత విద్యావ్యవస్థను రాజకీయం చేసి అస్థిరపరిచే ప్రయత్నంగా ఆరోపించింది. ప్రభుత్వ నిర్ణయం గవర్నర్ అధికారాలను దెబ్బతీసేందుకు, రాజ్యాంగ నిర్మాణాలకు విఘాతం కలిగించే కుట్ర అని బీజేపీ రాష్ట్ర అధ్యక్షుడు బీవై విజయేంద్ర విమర్శించారు.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

