CM Siddaramaiah | కర్ణాటకలో ఉండేవాళ్లు తప్పక కన్నడ నేర్చుకోవాల్సిందే: సీఎం సిద్ధరామయ్య

కర్ణాటకలో నివసించే ప్రతి ఒక్కరూ కన్నడ తప్పక నేర్చుకోవాలని ఆ రాష్ట్ర సీఎం సిద్ధరామయ్య స్పష్టంచేశారు.

CM Siddaramaiah | బెంగళూరు, జూన్‌ 20: కర్ణాటకలో నివసించే ప్రతి ఒక్కరూ కన్నడ తప్పక నేర్చుకోవాలని ఆ రాష్ట్ర సీఎం సిద్ధరామయ్య స్పష్టంచేశారు. ఇతరులతో మాట్లాడుతున్నప్పుడు కన్నడలో మాత్రమే మాట్లాడతామని ప్రతిజ్ఞ చేయాలని కోరారు.

బెంగళూరులోని కర్ణాటక శాసనసభ పశ్చిమ ప్రవేశ ద్వారం వద్ద నాడ దేవి భువనేశ్వరి కాంస్య విగ్రహ ఏర్పాటు భూమి పూజ సందర్భంగా ఆయన ఈ విధంగా మాట్లాడారు. ‘కన్నడ తప్ప ఇంకో భాష మాట్లాడనని ప్రతి ఒక్కరూ ప్రతిజ్ఞ చేయాలి. కన్నడిగులు ఉదారవాదులు. అందుకే ఇక్కడ కన్నడ నేర్చుకోకుండానే ఇతర భాషలు మాట్లాడేవారు నివసించగలుగుతున్నారు. మనం మాతృభాషలో మాట్లాడాలి’ అని అన్నారు.