కన్నడ నటి రన్యా రావుకు ఏడాది జైలు

గోల్డ్‌ స్మగ్లింగ్‌ కేసులో కన్నడ నటి రన్యా రావుకు ఏడాదిపాటు జైలు శిక్ష విధిస్తూ అడ్వైజరీ బోర్డ్‌ ఉత్తర్వులు జారీచేసింది. విదేశీ మారక ద్రవ్య పరిరక్షణ, స్మగ్లింగ్‌ కార్యకలాపాల నివారణ చట్టం (సీవోఎఫ్‌ఈపీవోఎస్‌ఏ) కింద అడ్వైజరీ బోర్టు ఈ ఉత్తర్వులను జారీచేసింది. అంతేగాక బెయిల్‌ కోసం దరఖాస్తు చేసుకునే హక్కును బోర్డు పరిమితం చేసింది.

బెంగళూరు, జూలై 17: గోల్డ్‌ స్మగ్లింగ్‌ కేసులో కన్నడ నటి రన్యా రావుకు ఏడాదిపాటు జైలు శిక్ష విధిస్తూ అడ్వైజరీ బోర్డ్‌ ఉత్తర్వులు జారీచేసింది. విదేశీ మారక ద్రవ్య పరిరక్షణ, స్మగ్లింగ్‌ కార్యకలాపాల నివారణ చట్టం (సీవోఎఫ్‌ఈపీవోఎస్‌ఏ) కింద అడ్వైజరీ బోర్టు ఈ ఉత్తర్వులను జారీచేసింది. అంతేగాక బెయిల్‌ కోసం దరఖాస్తు చేసుకునే హక్కును బోర్డు పరిమితం చేసింది.

రన్యా రావు ఈ ఏడాది మార్చి 3న దుబాయ్‌ నుంచి వస్తూ బెంగళూరులోని విమానాశ్రయంలో రూ.12.56 కోట్ల విలువజేసే 15 కిలోల అక్రమ బంగారంతో కస్టమ్స్‌ అధికారులకు పట్టుబడింది. అనంతరం ఆమెను విమానాశ్రయ అధికారులు అరెస్టు చేశారు.