మూడు మీటర్ల సమీపానికి స్పేడెక్స్‌ ఉపగ్రహాలు

అంతరిక్షంలో రెండు ఉపగ్రహాల అనుసంధాన ప్రక్రియ సామర్థ్యాన్ని అందుకునేందుకు ఇస్రో చేపట్టిన స్పేడెక్స్‌ ప్రయోగంలో మరో కీలక ఘట్టం పూర్తయ్యింది. ట్రయల్‌లో భాగంగా స్పేడెక్స్‌ ఉపగ్రహాలైన ఎస్‌డీఎక్స్‌01(చేజర్‌), ఎస్‌డీఎక్స్‌02(టార్గెట్‌) ఉపగ్రహాలను మొదట 15 మీటర్ల చేరువకు, ఆ తర్వాత 3 మీటర్ల అతి సమీపానికి విజయవంతంగా తీసుకువచ్చినట్టు భారత అంతరిక్ష పరిశోధక సంస్థ ఆదివారం ప్రకటించింది.

• డాటా విశ్లేషించాక అనుసంధానం: ఇస్రో

బెంగళూరు: అంతరిక్షంలో రెండు ఉపగ్రహాల అనుసంధాన ప్రక్రియ సామర్థ్యాన్ని అందుకునేందుకు ఇస్రో చేపట్టిన స్పేడెక్స్‌ ప్రయోగంలో మరో కీలక ఘట్టం పూర్తయ్యింది. ట్రయల్‌లో భాగంగా స్పేడెక్స్‌ ఉపగ్రహాలైన ఎస్‌డీఎక్స్‌01(చేజర్‌), ఎస్‌డీఎక్స్‌02(టార్గెట్‌) ఉపగ్రహాలను మొదట 15 మీటర్ల చేరువకు, ఆ తర్వాత 3 మీటర్ల అతి సమీపానికి విజయవంతంగా తీసుకువచ్చినట్టు భారత అంతరిక్ష పరిశోధక సంస్థ ఆదివారం ప్రకటించింది.

ఆ తర్వాత మళ్లీ ఉపగ్రహాలను సురక్షిత దూరానికి పంపించినట్టు తెలిపింది. ఈ డాటాను విశ్లేషించిన తర్వాత డాకింగ్‌(రెండు ఉపగ్రహాల అనుసంధానం) ప్రక్రియ చేపట్టనున్నట్టు వెల్లడించింది. కాగా, డిసెంబర్‌ 30న ఇస్రో స్పేడెక్స్‌ ప్రయోగం ప్రారంభించిన సంగతి తెలిసిందే. పీఎస్‌ఎల్వీ సీ60 రాకెట్‌ ద్వారా 2 ఉపగ్రహాలను కక్ష్యలోకి చేర్చింది.