Israel-Hamas War | ఇజ్రాయెల్-పాలస్తీనా యుద్ధం.. 27 మంది భారతీయులు సేఫ్..!
Israel-Hamas War | ఇజ్రాయెల్ - హమాస్ మధ్య అనధికారిక యుద్ధం కొనసాగుతున్నది. అయితే, రెండు ప్రాంతాల్లో పలువురు భారతీయులు చిక్కుకుపోయారు. పాలస్తీనా, ఇజ్రాయెల్లో చిక్కుకుపోయిన 27 మంది భారతీయులను విదేశాంగ మంత్రిత్వ శాఖ రక్షించినట్లు మేఘాలయ సీఎం కాన్రాడ్ సంగ్మా తెలిపారు.
Israel-Hamas War | ఇజ్రాయెల్ – హమాస్ మధ్య అనధికారిక యుద్ధం కొనసాగుతున్నది. అయితే, రెండు ప్రాంతాల్లో పలువురు భారతీయులు చిక్కుకుపోయారు. పాలస్తీనా, ఇజ్రాయెల్లో చిక్కుకుపోయిన 27 మంది భారతీయులను విదేశాంగ మంత్రిత్వ శాఖ రక్షించినట్లు మేఘాలయ సీఎం కాన్రాడ్ సంగ్మా తెలిపారు. భారతీయులను ఈజిప్ట్కు తరలించారని, అక్కడి నుంచి స్వదేశం తరలించేందుకు చర్యలు తీసుకున్నట్లు పేర్కొన్నారు. మరో వైపు హమాస్ బాంబుల దాడిలో ఇజ్రాయెల్లో నేపాల్కు చెందిన పది మంది విద్యార్థులు ప్రాణాలు కోల్పోయారు. ఇజ్రాయెల్లోని నేపాల్ ఎంబసీ అధికారి ఈ విషయాన్ని ధ్రువీకరించారు.
ఇదిలా ఉండగా.. ఇజ్రాయెల్పై పెద్ద ఎత్తున దాడి చేసేందుకు హమాస్ భారీగా రాకెట్లను సిద్ధం చేసినట్లు తెలుస్తున్నది. అయితే, ఇప్పటికే ఒకేసారి దాదాపు 5వేలకుపైగా రాకెట్లను ప్రయోగించింది. అయితే, హమాస్ ఉగ్రవాదులకు ఎక్కడి నుంచి ఈ రాకెట్లు వచ్చాయి ? హమాస్ ఇంత మొత్తంలో రాకెట్ టెక్నాలజీని ఎవరు అందించారనే దానిపై ప్రశ్నలు తలెత్తుతున్నాయి. పాలస్తీనా ఉగ్రవాద సంస్థ హమాస్ ఇనుప గొట్టాలు, నీటి పైపులు, ఇజ్రాయెల్ క్షిపణుల శకలాలను ఉపయోగించి షార్ట్ రేంజ్ రాకెట్లను సిద్ధం చేసినట్లు తెలుస్తుండగా.. ఈ క్షిపణులను తయారు చేయడంలో ఇరాన్ సహకారం చేసిందని ఆరోపణలున్నాయి.
మరో వైపు ఇజ్రాయెల్ భద్రతా మంత్రి మండలి ‘స్టేట్ ఆఫ్ వార్’ ఆమోదించింది.. ఆర్టికల్ 40 ప్రకారం సైనిక చర్యలు చేపట్టేందుకు ప్రభుత్వం గ్రీన్ సిగ్నల్ ఇచ్చింది. ఇజ్రాయెల్కు భారత్ నుంచి మద్దతు అందుతుందని.. పలువురు మంత్రులు, వ్యాపారులు, ప్రభుత్వ ఉద్యోగులు ఫోన్లో మాట్లాడారని ఇజ్రాయెల్ అంబాసిడర్ నౌర్ గిల్లాన్ పేర్కొన్నారు. ఇజ్రాయెల్కు నైతిక, రాజకీయ మద్దతు మాత్రమే అవసరమన్నారు. భూమిపై ఎలా పని చేయాలో తమకు తెలుసునన్నారు. హమాస్ ఇకపై ఎవరికీ బెదిరించని విధంగా చర్యలు ఉండబోతున్నాయన్నారు. హమాస్ దాడిలో ఇజ్రాయెల్లో ఇతరదేశాలకు చెందిన పౌరులు చాలా మంది మరణించారని, అయితే దీనిపై ఖచ్చితమైన సమాచారం లేదన్నారు.
Read Today's Latest National News in Telugu and Telugu News
RELATED ARTICLES
తాజా వార్తలు
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

