జీతాలు పెంచమనడంలో భారతీయ మహిళలే టాప్‌

భారతీయ మహిళా ప్రొఫెషనల్స్‌ ఇతర దేశాల మహిళల కంటే ఎక్కువ ఆత్మవిశ్వాసం, ఆశావాదం గలవారని జాబ్‌ లిస్టింగ్స్‌ సైట్‌ ‘ఇండీడ్‌' అధ్యయనం వెల్లడించింది. జీతం పెంచాలని కోరడంలో భారతీయ మహిళలు ప్రథమ స్థానంలో నిలిచారు.

న్యూఢిల్లీ: భారతీయ మహిళా ప్రొఫెషనల్స్‌ ఇతర దేశాల మహిళల కంటే ఎక్కువ ఆత్మవిశ్వాసం, ఆశావాదం గలవారని జాబ్‌ లిస్టింగ్స్‌ సైట్‌ ‘ఇండీడ్‌’ అధ్యయనం వెల్లడించింది. జీతం పెంచాలని కోరడంలో భారతీయ మహిళలు ప్రథమ స్థానంలో నిలిచారు. భారతీయ మహిళల్లో 65% మంది తమకు జీతాలు పెంచాలని కోరారు. ఈ జాబితాలో రెండో స్థానంలో ఉన్న అమెరికాలో 51% మంది మహిళలు జీతాల పెంపును కోరారు. ఫ్రాన్స్‌, జర్మనీలలో 50% మంది, కెనడాలో 47% మంది, బ్రిటన్‌లో 45% మంది మహిళా ప్రొఫెషనల్స్‌ జీతాలు పెంచాలని గతంలో యాజమాన్యాలను కోరారు. ఇండీడ్‌ ఇండియా డైరెక్టర్‌ నిశిత లాల్వానీ మాట్లాడుతూ వేతనాల వ్యత్యాసాలను తగ్గించడానికి యాజమాన్యాలు చేపడుతున్న చర్యలపై భారతీయ మహిళలు సంతృప్తి వ్యక్తం చేశారన్నారు.