Train Accident | భాగమతి నుంచి బాలాసోర్‌ వరకు.. దేశాన్ని కుదిపేసిన రైలు ప్రమాదాలు ఇవే..!

Train Accident | గత కొంతకాలంగా రైలు ప్రమాదాలు ప్రయాణికులను కలవరానికి గురి చేస్తున్నాయి. గత కొద్దిరోజులుగా రైళ్లు పట్టాలు తప్పడం.. మంటలు చెలరేగడం వంటి ఘటనలు చోటు చేసుకుంటున్న విషయం తెలిసిందే.

Train Accident | గత కొంతకాలంగా రైలు ప్రమాదాలు ప్రయాణికులను కలవరానికి గురి చేస్తున్నాయి. గత కొద్దిరోజులుగా రైళ్లు పట్టాలు తప్పడం.. మంటలు చెలరేగడం వంటి ఘటనలు చోటు చేసుకుంటున్న విషయం తెలిసిందే. అయితే, బుధవారం ఉత్తరప్రదేశ్‌లోని లక్నో నుంచి మహారాష్ట్రలోని ముంబయికి వెళ్తున్న పుష్పక్‌ ఎక్స్‌ప్రెస్‌ రైలు జల్గావ్‌ సమీపంలో ప్రమాదానికి గురైంది. రైలు పచోరా పర్ధాడే స్టేషన్‌ సమయంలో మంటలు చెలరేగాయని ప్రచారం జరిగింది.

ఆ తర్వాత పలువురు ప్రయాణికులు రైలు నుంచి దూకేశారు. ఓ వైపు రైలు వెళ్తున్న సమయంలోనే కొందరు ప్రయాణికులు దూకడంతో పక్క ట్రాక్‌పై నుంచి వెళ్తున్న కర్నాటక ఎక్స్‌ప్రెస్‌ వెళ్లడంతో ఢీకొనడంతో పలువురు ప్రాణాలు కోల్పోయారు. ఈ ఘటనలో దాదాపు 13 మంది వరకు దుర్మరణం పాలవగా.. పలువురు గాయపడ్డారు. గతంలోనూ పలు ఘోర రైలు ప్రమాదాలు జరిగిన విషయం తెలిసిందే. గత కొన్ని సంవత్సరాల్లో జరిగిన రైలు ప్రమాదాలను ఒకసారి పరిశీలిద్దాం..!

• 6 జూన్ 1981 రోజున బిహార్‌లో ఘోర రైలు ప్రమాదం జరిగింది. రైలు వంతెన దాటుతుండగా భాగమతి నదిలో పడిపోయింది. ఈ ప్రమాదంలో 750 మంది దుర్మరణం చెందారు.
• 20 ఆగస్టు 1995 రోజున ఫిరోజాబాద్ సమీపంలో కాళింది ఎక్స్‌ప్రెస్‌ను పురుషోత్తం ఎక్స్‌ప్రెస్‌ ఢీ కొట్టింది. ఈ ఘటనలో 305 మంది ప్రయాణికులు చనిపోయారు.
• 26 నవంబర్ 1998 రోజున జమ్మతావి ఎక్స్‌ప్రెస్‌ రైలు పంజాబ్‌లోని ఖన్నా వద్ద పట్టాలు తప్పి ఫ్రాంటియర్ గోల్డెన్ టెంపుల్ మెయిల్ మూడు కోచ్‌లను ఢీకొట్టింది. ఈ ఘటనలో 212 మంది మృతి చెందారు.
• 2 ఆగస్టు 1999 రోజున కతిహార్ డివిజన్‌లోని గైసల్ రైల్వే స్టేషన్‌లో బ్రహ్మపుత్ర మెయిల్.. స్టేషనరీ అవధ్ అస్సాం ఎక్స్‌ప్రెస్‌ను ఢీకొట్టింది. ఈ దుర్ఘటనలో 285 మంది మృతి చెందగా, 300 మంది గాయపడ్డారు.
• 20 నవంబర్ 2016 రోజున ఇండోర్ రాజేంద్ర నగర్ ఎక్స్‌ప్రెస్‌ 14 కోచ్‌లు పుఖ్రాయన్‌ వద్ద పట్టాలు తప్పింది. ఈ ఘోర ప్రమాదంలో 152 మంది ప్రాణాలు కోల్పోయారు. 260 మంది గాయపడ్డారు.
• 9 నవంబర్ 2002న రఫీగంజ్ వద్ద ధావే నదిపై వంతెనపై హౌరా రాజధాని ఎక్స్‌ప్రెస్‌ పట్టాలు తప్పిన ఘటనలో 140 మంది చనిపోయారు.
• 23 డిసెంబర్ 1964 రోజున తుఫాను కారణంగా రామేశ్వరం వద్ద పంబన్‌ ధనుష్కోడి ప్యాసింజర్ రైలు కొట్టుకుపోవడంతో 126 మంది ప్రయాణికులు మరణించారు.
• 28 మే 2010న ముంబయికి వెళ్తున్న రైలు ఝర్‌గ్రామ్ సమీపంలో పట్టాలు తప్పింది. అదే సమయంలో ఎదురుగా వస్తున్న గూడ్స్‌ రైలు ఢీకొట్టడంతో 148 మంది చనిపోయారు.
• 13 జనవరి 2022 రోజున పశ్చిమ బెంగాల్లోని జాల్పాయ్‌గురిలోని దోమోహని వద్ద రైలు ప్రమాదం చోటు చేసుకుంది. గౌహతి-బికనీర్ రైలు ఐదు నుంచి ఆరుకోచ్‌లు పట్టాలు తప్పడంతో తొమ్మిది మంది చనిపోయారు.
• 2 జూన్ 2023 రోజున ఒడిశాలోని బాలాసోర్‌ వద్ద ఘోర ప్రమాదం జరిగిన విషయం తెలిసిందే. బెంగళూరు-హౌరా సూపర్‌ ఫాస్ట్‌ ఎక్స్‌ప్రెస్‌, షాలిమార్‌-చెన్నై సెంట్రల్‌ కోరమండల్‌ ఎక్స్‌ప్రెస్‌, గూడ్స్‌ రైళ్లు ప్రమాదం బారినపడ్డాయి. ఈ ఘటనలో 233 మంది మృతి చెందగా.. 900 మందికిపైగా గాయపడ్డారు. స్వాతంత్య్రం జరిగిన అత్యంత ఘోర రైలు ప్రమాదాల్లో ఒకటి.
• 29 అక్టోబర్ 2023 రోజున ఆంధ్రప్రదేశ్‌లోని విజయనగరం జిల్లాలో ఘోర రైలు ప్రమాదం జరిగింది. కొత్తవలస స్టేషన్ సమీపంలో రెండు ప్యాసింజర్ రైళ్లు ఢీకొన్నాయి. ఈ ఘటనలో 14 మంది మృతి చెందగా, 50 మంది గాయపడ్డారు.
• 17 జూన్ 2024 రోజున జూన్ 17న, పశ్చిమ బెంగాల్లోని డార్జిలింగ్ జిల్లాలోని రంగపాణి రైల్వే స్టేషన్ సమీపంలో కాంచనజంగా ఎక్స్‌ప్రెస్‌ను గూడ్స్ రైలు ఢీకొట్టింది. ఈ ప్రమాదంలో 10 మంది మృతి చెందారు. సిగ్నల్ వ్యవస్థలో లోపం ఇతర కారణాలతో ప్రమాదం జరిగినట్లు విచారణలో తేలింది.

Read Also :

Adar Poonawala | వారానికి 90 గంటల పని విధానంపై ఆసక్తికర వ్యాఖ్యలు చేసిన అదార్‌ పూనావాలా..!

Samsung Galaxy S25 | మార్కెట్లోకి సామ్‌సంగ్‌ గెలాక్సీ ఎస్‌25.. ధర, ఫీచర్లు ఇవే