న్యూఢిల్లీ : ప్రకృతిలో మనకు తెలియని ఎన్నో ప్రాణులు సంచరిస్తుంటాయి. అలాంటి వాటితో కూడిన వీడియోలు ఇంటర్నెట్లో ప్రత్యక్షమైతే వాటిని చూసి అబ్బురపడుతుంటారు. ఐఎఫ్ఎస్ అధికారి పర్వీన్ కస్వన్ తాజాగా షేర్ చేసిన ఈ తరహా వీడియో ప్రస్తుతం సోషల్ మీడియాలో వైరల్ అవుతోంది. ట్విట్టర్లో షేర్ చేసిన ఈ వీడియోలో ఓ కర్ర కనిపిస్తుంది..వీడియో కొనసాగుతుండగా ఎవరో కర్రను కదపగానే అది కదులుతుండటం చూడొచ్చు.
The unbelievable camouflage. This is their own defence mechanism. pic.twitter.com/52oHaozIw6
— Parveen Kaswan, IFS (@ParveenKaswan) December 20, 2022
వీడియో చివరిలో స్టిక్లో నుంచి ఓ కీటకం బయటకు రావడం ఆశ్చర్యానికి లోనుచేస్తుంది. స్టిక్లో కలిసిపోయిన కీటకం తెలివిగా తనను తాను కాపాడుకుంటుంది. నమ్మలేని విధంగా మభ్యపెట్టడం..ఇది వాటి సొంత రక్షణ వ్యవస్ధని వీడియోకు క్యాప్షన్ ఇచ్చారు. ఈ వీడియోను ఆన్లైన్లో షేర్ చేసినప్పటి నుంచి ఇప్పటివరకూ 53,000కుపైగా వ్యూస్ రాగా పెద్ద సంఖ్యలో నెటిజన్లు రియాక్టయ్యారు.