భువనేశ్వర్ : ప్రకృతి మనకు ఎన్నో ప్రసాదించినా బిజీ లైఫ్లో వాటిని ఆస్వాదించలేని పరిస్ధితి. ఉరుకుల పరుగుల జీవితంలో ఏ ఒక్కరికీ ప్రకృతితో మమేకమై సేదతీరే తీరిక ఉండటం లేదు. ఐఎఫ్ఎస్ అధికారి సుశాంత నంద సోషల్ మీడియాలో షేర్ చేసిన వలస పక్షుల వీడియో ప్రస్తుతం తెగ వైరలవుతోంది.
Chilika lagoon is a paradise for the wondering soul💕
The season for roosting & nesting of migratory birds has begun… pic.twitter.com/8oaD8Ovisx— Susanta Nanda (@susantananda3) November 17, 2022
ఒడిషాలోని చిలిక లేక్లో వలస పక్షులు విహరిస్తున్న వీడియో నెటిజన్లను ఆకట్టుకుంటోంది. బ్యూటిఫుల్ బ్లూ చిలిక సరస్సు అందాలు ఈ వీడియోలో యూజర్లను కట్టిపడేస్తున్నాయి. ఈ వీడియోలో సరస్సు మీదుగా పలు వలస పక్షులు ఎగురుతుండటం కనిపిస్తోంది. వలస పక్షుల సీజన్ మొదలైందని ఈ వీడియోకు క్యాప్షన్ ఇచ్చారు.
ఈ వీడియోను ఇప్పటివరకూ 9,000 మందికి పైగా వీక్షించగా పెద్దసంఖ్యలో నెటిజన్ల నుంచి రియాక్షన్స్ వచ్చాయి. ఈ వీడియో తమ ముఖాల్లో నవ్వులు పూయించిందని పలువురు రాయగా, ప్రకృతి ఎంతో అందమైనదని మరో యూజర్ రాసుకొచ్చారు. ఈ లేక్ను సందర్శించాలనుందని మరో యూజర్ కామెంట్ చేశారు.