డిఫెన్స్, ఏరోస్పేస్లో అపార అవకాశాలు

- అందిపుచ్చుకోవడం యువత వంతే
- యూఎస్ కాన్సుల్ జనరల్ రీఫ్మన్ పిలుపు
- మంత్రి కేటీఆర్ చొరవతో అద్భుత ఎకోసిస్టం: ఎరిక్ ఎజులే
హైదరాబాద్, డిసెంబర్ 10 (నమస్తే తెలంగాణ): దేశంలోని డిఫెన్స్, ఏరోస్పేస్ రంగాల్లో అపార అవకాశాలు ఉన్నాయని, వాటిని యువత అందిపుచ్చుకోవాలని అమెరికా కాన్సల్ జనరల్ జోయెల్ రీఫ్మన్ పిలుపునిచ్చారు. ఈ రెండు రంగాల్లో భారత్, అమెరికా మధ్య పటిష్ఠ సంబంధాలు ఉన్నాయని చెప్పారు. ఔత్సాహిక యువ పారిశ్రామిక వేత్తల కోసం అమెరికా కాన్సులేట్, ద అలయన్స్ ఫర్ కమర్షియలైజేషన్ అండ్ ఇన్నోవేషన్ రిసెర్చ్ (ఏసీఐఆర్) ఆధ్వర్యంలో శంషాబాద్లోని జీఎమ్మార్ ఇన్నోవెక్స్లో నిర్వహిస్తున్న ‘డిఫెన్స్ అండ్ ఏరోస్పేస్ వర్క్షాప్’ శుక్రవారం ప్రారంభమైంది. ఈ కార్యక్రమానికి రీఫ్మన్తోపాటు రాష్ట్ర ఐటీ, పరిశ్రమలశాఖ ముఖ్యకార్యదర్శి జయేశ్రంజన్, ఏసీఐఆర్ ఎండీ ఎరిక్ ఎజులే ముఖ్య అతిథులుగా హాజరయ్యారు. రీఫ్మన్ మాట్లాడుతూ.. రక్షణ, అంతరిక్ష రంగాల్లో ఔత్సాహిక పారిశ్రామికవేత్తలు కొత్త టెక్నాలజీలను ఆవిష్కరించడంతోపాటు అమెరికా-భారత్ మధ్య సంబంధాలను మరింత పటిష్ఠం చేస్తున్నారని, రెండు దేశాల ఆర్థిక ప్రగతికి పాటుపడుతున్నారని ప్రశంసించారు. తెలంగాణలో స్టార్టప్స్ను ప్రోత్సహించడంలో మంత్రి కేటీఆర్ అద్భుతంగా పనిచేస్తున్నారని ఏసీఐఆర్ ఎండీ ఎరిక్ ఎజులే కొనియాడారు. టీహబ్ లాంటి ఇంక్యుబేటర్ల ద్వారా మంచి ఎకోసిస్టంను తయారుచేసి యువత ఆలోచనలకు కార్యరూపమిస్తున్నారని ప్రశంసించారు. ఈ వర్క్షాప్కు ఎంపికైన 26 స్టార్టప్స్కు 3 రోజులపాటు శిక్షణ ఇచ్చి వాటిని దేశ, విదేశాల్లోని పెద్ద సంస్థలు, ఇన్వెస్టర్లతో కలిపేందుకు ప్రయత్నిస్తామని వివరించారు. జయేశ్రంజన్ మాట్లాడుతూ.. ఏరోస్పేస్, డిఫెన్స్ హబ్గా హైదరాబాద్ ఎదిగిందని, లాక్హీడ్ మార్టిన్, బోయింగ్ లాంటి అంతర్జాతీయ సంస్థలు ఇక్కడ కొలువుదీరాయని గుర్తుచేశారు. కార్యక్రమంలో జీఎమ్మార్ ఎయిర్పోర్ట్స్ ఎగ్జిక్యూటివ్ డైరెక్టర్ ఎస్జీకే కిశోర్, లాక్హీడ్ మార్టిన్ ఇండియా సీఈవో విలియం బ్లేర్, బీడీఎల్ డిప్యూటీ జీఎం (డిజైనింగ్ అండ్ ఇంజినీరింగ్) చంద్రశేఖర్రావు, అదనపు జీఎం వినోద్కుమార్, అనంత్ టెక్నాలజీస్ వ్యవస్థాపకుడు పావులూరి సుబ్బారావు తదితరులు పాల్గొన్నారు.
Read Today's Latest National News in Telugu and Telugu News
RELATED ARTICLES
తాజా వార్తలు
Health Tips | కూరల్లో వేసే ఈ ఆకు ఆరోగ్యానికి దివ్యౌషధం.. తినేటప్పుడు తీసిపారేయకండి..!
Teen Tigada | ఆకట్టుకుంటున్న ‘టీన్ తిగడా’ వెబ్ సిరీస్ ట్రైలర్.. నవంబర్ 20 నుంచి జీ5లో స్ట్రీమింగ్!
AP News | రేపు తుపానుగా మారనున్న వాయుగుండం.. 20న తీరం దాటే ఛాన్స్..!
Rajigadu Rajayyadu | ‘బట్టల రామస్వామి బయోపిక్కు’ ఫేమ్ అల్తాఫ్ హసన్ దర్శకత్వంలో ‘రాజిగాడు రాజయ్యాడు’.. టైటిల్, ఫస్ట్ లుక్ పోస్టర్ విడుదల!
Nasal Congestion | చలికాలంలో ముక్కు దిబ్బడ సమస్య ఎందుకు ఎక్కువవుతుంది.. తగ్గేందుకు ఏం చేయాలి..?
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

