Visit:
Hathras Incident | హత్రాస్ సత్సంగం తొక్కిసలాట ఘటన బాధిత కుటుంబాల పిల్లల చదువు బాధ్యతలను ప్రభుత్వమే శ్రద్ధ తీసుకోవడంతో పాటు చిన్నారులకు రూ.లక్షల ఆర్థిక సాయం అందజేయనున్నట్లు యూపీ బాలల హక్కుల పరిరక్షణ కమిషన్‌ చైర్మన్‌ డాక్టర్‌ దేవేంద్రశర్మ ప్రకటించారు. ముఖ్యమంత్రి బాల సేవా యోజన కింద నెలకు రూ.2500 అందించనున్నట్లు ప్రకటించారు. ప్రమాదంలో బాధిత కుటుంబాలను పరామర్శించేందుకు ఆయన ఠానా హత్రాస్ గేట్ ప్రాంతంలోని సోఖ్నాకు వచ్చారు. తొలుత ప్రమాదంలో గాయపడి చికిత్స పొందుతున్న వారిని పరామర్శించేందుకు జిల్ల ఆసుపత్రికి చేరుకున్నారు.
క్షతగాత్రులు ఆసుపత్రి నుంచి డిశ్చార్జి కావడంతో ఆయన ఆసుపత్రిని పరిశీలించారు. ఆస్పత్రిలోని ఎన్‌ఆర్‌సీ వార్డులోని కేర్‌టేకర్‌లను కలిసి చిన్నారుల ఆరోగ్యంపై ఆరా తీశారు. ఆ తర్వాత సత్సంగ్ ప్రమాదంలో బాధిత కుటుంబాన్ని కలిసేందుకు సోఖ్నా చేరుకున్నారు. సంఘటనపై బాధిత కుటుంబీకుల నుంచి వివరాలు తీసుకొని.. విచారం వ్యక్తం చేశారు. అనంతరం సదర్‌ తహసీల్‌ ఆడిటోరియంలో అధికారులతో సమీక్షా సమావేశం నిర్వహించారు. ప్రమాదంలో బాధిత కుటుంబాలు ప్రభుత్వ పథకాల లబ్ధి పొందేందుకు వీలుగా మృతుల జాబితాను అందించాలని జిల్లా ప్రొబేషన్ అధికారిని ఆదేశించారు. ప్రమాదంలో బాధిత చిన్నారులకు ప్రభుత్వం అందిస్తున్న పలు సంక్షేమ పథకాల ఫలాలు అందేలా కృషి చేయాలని సూచించారు.
