e-Shram Portal : అసంఘటిత కార్మికులకు ‘ఇ-శ్రామ్‌’ పోర్టల్‌ ప్రారంభం

e-Shram Portal : దేశంలోని అసంఘటిత కార్మికులను ఏకతాటిపైకి తీసుకొచ్చి వారి సమస్యలను విని పరిష్కరించేందుకు కేంద్ర ప్రభుత్వం ‘ఇ-శ్రామ్‌’ పోర్టల్‌ను ప్రారంభించింది. కేంద్ర కార్మిక, ఉపాధి శాఖ మంత్రి భూపేందర్ యాదవ్ ఈ పోర్టల్‌ను...

August 26, 2021 / 09:22 PM IST

e-Shram Portal : అసంఘటిత కార్మికులకు ‘ఇ-శ్రామ్‌’ పోర్టల్‌ ప్రారంభం

న్యూఢిల్లీ: దేశంలోని అసంఘటిత కార్మికులను ఏకతాటిపైకి తీసుకొచ్చి వారి సమస్యలను విని పరిష్కరించేందుకు కేంద్ర ప్రభుత్వం ‘ఇ-శ్రామ్‌’ పోర్టల్‌ను (e-Shram Portal) ప్రారంభించింది. కేంద్ర కార్మిక, ఉపాధి శాఖ మంత్రి భూపేందర్ యాదవ్ ఈ పోర్టల్‌ను గురువారం లాంఛనంగా ప్రారంభించారు. రాష్ట్రాలు, కేంద్రపాలిత ప్రాంతాలకు కార్మిక, ఉపాధి, పెట్రోలియం అండ్‌ సహజ వాయువుల మంత్రి రామేశ్వర్ తెలి సమక్షంలో అందజేశారు. అంతకుముందు ఆగస్టు 24 న ఇ-శ్రామ్ పోర్టల్ లోగోను భూపేందర్‌ యాదవ్‌ ఆవిష్కరించారు.

ఇ-శ్రామ్ పోర్టల్‌లో నమోదు చేసుకున్న తర్వాత అసంఘటిత కార్మికులు ప్రభుత్వ సామాజిక భద్రతా పథకాల కోసం విడిగా నమోదు చేసుకోవాల్సిన అవసరం లేదు. 12 అంకెల యూఏఎన్‌ కలిగిన ఇ-శ్రామ్‌ కార్డ్ దేశవ్యాప్తంగా చెల్లుబాటు అవుతుంది. ఈ పోర్టల్‌లో పేర్ల నమోదు కార్యక్రమం కేంద్ర కార్మిక శాఖ, రాష్ట్రాల్లోని కార్మిక శాఖ, ట్రేడ్‌ యూనియన్స్‌ ద్వారా నిర్వహించనున్నారు. ఆధార్‌ కార్డ్‌, బ్యాంకు వివరాలతోపాటు వ్యక్తిగత వివరాలను అందజేయడం ద్వారా సభ్యత్వం పొందవచ్చు. ఈ పోర్టల్‌లో రిజిస్ట్రేషన్ కోరుకునే కార్మికుల ప్రశ్నలకు సమాధానాలు చెప్పేందుకు, సమస్యలను పరిష్కరించడానికి జాతీయ టోల్ ఫ్రీ నంబర్ 14434 ను అందుబాటులోకి తీసుకొచ్చారు.

‘దేశవ్యాప్తంగా 38 కోట్లకు పైగా ఉన్న అసంఘటిత రంగ కార్మికుల శ్రేయస్సు కోసం ఈ పోర్టల్‌ను తీసుకొచ్చాం. ఈ పోర్టల్‌ కేవలం రిజిస్ట్రేషన్‌ కోసమే కాకుండా అసంఘటి రంగ కార్మికులకు కేంద్ర ప్రభుత్వం ఆధ్వర్యంలోని సామాజిక భద్రతా పథకాలు అందేలా చూస్తుంది. ఈ పోర్టల్‌ ద్వారా పేర్లను నమోదు చేసుకున్న కార్మికులకు రూ.2 లక్షల ప్రమాద బీమా సౌకర్యం కల్పించడం పట్ల ప్రధాని మోదీకి కృతజ్ఞతలు తెలుపుతున్నాం’ అని మంత్రి భూపేందర్‌ యాదవ్‌ తెలిపారు.