ఈ నెల‌ 7న ముఖ్య‌మంత్రిగా స్టాలిన్ ప్ర‌మాణం

MK Stalin: ఇటీవ‌ల జ‌రిగిన త‌మిళ‌నాడు అసెంబ్లీ ఎన్నిక‌ల్లో ఘ‌న విజ‌యం సాధించిన డీఎంకే అధ్య‌క్షుడు ఎంకే స్టాలిన్ ఈ నెల 7న

May 5, 2021 / 08:15 PM IST

ఈ నెల‌ 7న ముఖ్య‌మంత్రిగా స్టాలిన్ ప్ర‌మాణం

చెన్నై: ఇటీవ‌ల జ‌రిగిన త‌మిళ‌నాడు అసెంబ్లీ ఎన్నిక‌ల్లో ఘ‌న విజ‌యం సాధించిన డీఎంకే అధ్య‌క్షుడు ఎంకే స్టాలిన్ ఈ నెల 7న ముఖ్య‌మంత్రిగా ప్ర‌మాణం చేయ‌నున్నారు. త‌మిళ‌నాడు గ‌వ‌ర్న‌ర్ భ‌న్వ‌రిలాల్ పురోహిత్ స్టాలిన్‌ను ప్ర‌భుత్వ ఏర్పాటుకు ఆహ్వానించారు. శుక్ర‌వారం ఉద‌యం 9 గంట‌ల‌కు రాజ్‌భ‌వ‌న్‌లో స్టాలిన్ ప్రమాణ‌స్వీకారోత్స‌వం జ‌రుగ‌నుంది. స్టాలిన్‌తోపాటు కొంద‌రు ఎమ్మెల్యేలు మంత్రులుగా కూడా ప్ర‌మాణం చేయ‌నున్నారు.

ఇటీవ‌ల జ‌రిగిన అసెంబ్లీ ఎన్నికల్లో మొత్తం 234 స్థానాల‌కుగాను స్టాలిన్ నేతృత్వంలోని డీఎంకే 160 స్థానాల్లో విజ‌యం సాధించింది. ఈ నేప‌థ్యంలో స్టాలిన్ ఈ ఉద‌యం గ‌వ‌ర్న‌ర్ భ‌న్వ‌రిలాల్‌ను క‌లిసి త‌న‌కు ప్ర‌భుత్వ ఏర్పాటుకు అవ‌స‌ర‌మైన ఎమ్మెల్యేల బ‌లం ఉన్న‌ద‌ని, కాబ‌ట్టి త‌న‌కు ప్ర‌భుత్వాన్ని ఏర్పాటు చేసే అవ‌కాశం ఇవ్వాల‌ని కోరారు. ఈ మేర‌కు గ‌వ‌ర్న‌ర్ స్టాలిన్‌ను ప్ర‌భుత్వ ఏర్పాటుకు ఆహ్వానించారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి