‘చెప్పింది చాలు నోరు ముయ్యి’… చనిపోయిన బాలుడి తల్లిపై అధికారిణి అరుపులు
లక్నో: ‘చెప్పింది చాలు నోరు ముయ్యి…’ అంటూ చనిపోయిన బాలుడి తల్లిపై ప్రభుత్వ అధికారిణి విరుచుకుపడింది. అంతా విస్తూ పోయే ఈ ఘటన ఢిల్లీ సమీపంలోని ఉత్తరప్రదేశ్ ఘజియాబాద్ జిల్లాలో జరిగింది. మోదీనగర్కు చెందిన నాలుగో తరగతి విద్యార్థి అనురాగ్ భరద్వాజ్, బుధవారం ఉదయం స్కూల్ బస్సులో పాఠశాలకు వెళ్తుండగా వాంతులయ్యాయి. దీంతో బస్సు కిటికీ నుంచి వాంతి చేసుకున్నాడు. బస్సు డ్రైవర్ దీనిని గమనించలేదు. ఈ నేపథ్యంలో ఒక స్తంభానికి విద్యార్థి తల ఢీకొనడంతో అక్కడికక్కడే చనిపోయాడు. ఈ సంఘటనకు సంబంధించి స్కూల్ బస్సు డ్రైవర్, మరో బస్సు సిబ్బందిని పోలీసులు అరెస్ట్ చేశారు. అయితే స్కూల్పై ఎలాంటి చర్యలు తీసుకోలేదు.
కాగా, మరణించిన విద్యార్థి అనురాగ్ తల్లిదండ్రులు గురువారం కొంతమంది పేరెంట్స్, స్థానికులతో కలిసి ఆ స్కూల్ ఎదుట నిరసన తెలిపారు. స్కూల్ యాజమాన్యం నిర్లక్ష్యంపై నినాదాలు చేశారు. ఈ విషయం తెలిసిన మోదీనగర్ సబ్ డివిజనల్ మేజిస్ట్రేట్ శుభాంగి శుక్లా అక్కడకు వచ్చారు. కుమారుడి మృతిపై బాధను వ్యక్తం చేస్తున్న తల్లిపై ఆమె మండిపడ్డారు. ‘చెప్పింది చాలు నోరు ముయ్యి’ అని వేలు చూపించి ఆమెపై అరిచారు. ‘నువ్వు ఎందుకు అర్థం చేసుకోవడం లేదు’ అని ప్రశ్నించారు. అయితే చనిపోయింది నీ కుమారుడు కాదుగా అని అనురాగ్ తల్లి నేహా ఏడుస్తూ అన్నది. ‘నా కుమారుడు మరణించడాన్ని నేను చాలా అర్థం చేసుకున్నా’ అని ఆమె ఆవేదన వ్యక్తం చేసింది.
మరోవైపు ఉత్తరప్రదేశ్ సీఎం యోగి ఆదిత్యనాథ్ దృష్టికి ఈ విషయం వెళ్లింది. దీంతో బాధిత కుటుంబానికి సంతాపం తెలిపారు. ఈ ఘటనపై నివేదిక కోరారు. ఆ స్కూల్పై చర్యలు తీసుకోవాలన్నారు. ఆ స్కూల్ బస్సుకు ఫిట్నెస్ సర్టిఫికెట్ లేదని తెలియడంతో అన్ని స్కూల్ బస్సుల ఫిట్నెస్ను తనిఖీ చేయాలని అధికారులను ఆదేశించారు.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

