Encounter : జమ్ములో ఎన్‌కౌంటర్‌, అమరుడైన జేసీఓ

Encounter : జమ్ముకశ్మీర్‌లో ఎన్‌కౌంటర్‌ కొనసాగుతున్నది. ఇప్పటివరకు అందిన సమాచారం మేరకు జేసీఓ ఒకరు ఉగ్రవాదుల తుపాకీ గుళ్లకు బలయ్యారు. ఈ ఎన్‌కౌంటర్‌ రాజౌరీ జిల్లాలో జరుగుతున్నది...

August 19, 2021 / 03:40 PM IST

Encounter : జమ్ములో ఎన్‌కౌంటర్‌, అమరుడైన జేసీఓ

శ్రీనగర్‌ : జమ్ముకశ్మీర్‌లో ఎన్‌కౌంటర్‌ (Encounter) జ‌రిగింది. ఇప్పటివరకు అందిన సమాచారం మేరకు ఉగ్రవాదుల తూటాల‌కు జేసీఓ బ‌ల‌య్యారు. ఈ ఎన్‌కౌంటర్‌ రాజౌరీ జిల్లాలో చోటు చేసుకున్న‌ది.

రాజౌరీ జిల్లా పరిధిలోని తనమండి ప్రాంతంలో భారత భద్రతా దళాలు-ఉగ్రవాదులకు మధ్య కాల్పులు సంభ‌వించాయి. ఈ ఎన్‌కౌంటర్‌లో రాష్ట్రీయ రైఫిల్స్‌కు చెందిన జూనియర్‌ కమిషన్డ్‌ ఆఫీసర్‌ ఒకరు అమరుడ‌య్యారు. ఉగ్రవాదులు తనమండి ప్రాంతంలోని ఒక ఇంట్లో తలదాచుకున్నట్లు అందిన సమాచారం మేరకు భద్రతా దళాలు ఆ ఇంటిని చుట్టుముట్టి లొంగిపోవాలని హెచ్చరించాయి. వీరి సూచనలను ఖాతరు చేయని ఉగ్రవాదులు కాల్పులు జరుపుతూ పారిపోయేందుకు ప్రయత్నించారు. ఈ క్ర‌మంలో ఉగ్రవాదుల కాల్పుల్లో తీవ్రంగా గాయపడిన జేసీఓను సమీపంలోని దవాఖానకు తరలించగా.. అప్పటికే చనిపోయినట్లు వైద్యులు ధృవీక‌రించారు. ఇదే ప్రాంతంలో ఆగస్ట్‌ 6 వ తేదీన జరిగిన ఎన్‌కౌంటర్లో ఇద్దరు ఉగ్రవాదులు చ‌నిపోయారు.